Qwiel Maltin | Maltese Proverbs | L-ajru għandu għajnu u l-ħajt għandu widintu u li jisma' jgħidu 'l ibnu.

Iż-żejjed imbidded.

Uża l-moderazzjoni f'dak kollu li tagħmel. Imbidded tfisser imxerred.

Jekk tiġbed wisq tinqata’ l-ħajta.

Tesaġerax u tabbużax għax ikollok tbati l-konsegwenzi.

Min iħalli mil-lum għal għada ma jasal qatt.

Min jaħli l-ħin u jipprokrastina, ma jagħmel qatt xejn u ma jasal imkien.

Ħaġa li ma jaqbilx tagħmilha jaqbel tħalliha.

Agħraf liema opportunitajiet jaqbillek tieħu u l-bqija ħallihom għaddejjin.

Il-ħaġa f’waqtha tajba.

Agħmel li għandek tagħmel mill-ewwel u taħlix żmien.

It-tħollija ta’ xi ħaġa mil-lum għall-għada ma tasal qatt.

Il-prokrastinazzjoni ma twasslek imkien - aqbad u agħmel li għandek tagħmel.

Dak li ma kienx għad jista’ jkun.

Dak li ma ġarax il-passat jista' jiġri fil-futur.

Iż-żejjed ħu n-nieqes.

Uża l-moderazzjoni f'dak kollu li tagħmel.

Aħjar ftit minn xejn.

Aħjar tikkuntenta bi ftit.

Aħbar li ma taqbillekx, toqgħodx tismagħha.

M'hemmx għalfejn tkompli tisma' aħbar ħażina.

Kull waqt waqtu.

Jeħtieġ li tadatta għal kull sitwazzjoni u ċirkostanza.

Min jaqta’ bla ma jqis, minn pezza drapp ma joħroġx qmis.

Mingħajr ma tippjana sew biċċa xogħol, l-affarijiet ma jirnexxux.

Għall-magħmul m’hemmx kunsill.

Issa li sar sar, għalxejn toqgħod tinkwieta.

Mhux kull min iġerri jieħu l-ewwel.

Bħal f'xi kompetizzjoni, fil-ħajja tista' tipprova iżda mhux dejjem tirnexxi.

Min jerfa’ jsib.

Faddal il-flus u tarmix bl-addoċċ għax ma tafx x'għad tiġi bżonn.

Għall-pariri kulħadd raġel.

Kulħadd jaf jagħti parir għax faċli ħafna, kelma tmur fin-nofs.

Min iwiegħed u ma jagħti, imur l-infern u jbati.

Min ma jżommx il-wegħdiet li jagħmel, imur l-infern.

Jekk int mgħaġġel mur mal-vapur.

Ħu paċenzja u stenna wara min imissek fil-kju, inkella itlaq.

Mhux kull min jiġri jiġi l-ewwel.