Meta biċċa xogħol tibda ħażin kollox jibqa' sejjer ħażin.
Min ibati jgawdi.
Min jaħdem u jistinka jgawdi.
L-idejn imgħaref tal-fidda, xħin taħsilhom jiġu ġodda.
L-idejn huma għodda importanti għax-xogħol tal-idejn, u m'għandekx tiddejjaq tħammiġhom biex taħdem.
Aħjar tirfes l-irfis ta’ newlek milli għadbiet il-muliel.
Dejjem aħjar taħdem għal rasek milli jkollok taħdem għan-nies.
Aħjar tishar milli tbakkar.
Dak li għandek tagħmel agħmlu llum, mhux għada.
Bis-swat u biż-żmien jitbiżżel l-għażżien.
Bit-tbatija li jġib fuqu nnifsu, l-għażżien ikollu jitgħallem ikun bieżel ukoll.
Aħjar waħda maħruqa minn tnejn nejja.
Aħjar tagħmel biċċa xogħol mhux perfetta milli ma tagħmel xejn.
Ħmar qammas jikser sinslet id-dahar.
L-injorant ma jagħmilx xogħol tajjeb.
Ħidma għal Alla ma titħallasx.
Azzjoni tajba kif irid Alla ma tistax titħallas bi flus materjali.
Min ibati jgawdi.
Min jaħdem u jistinka jgawdi.
Bidu bil-għawġ tmiem ħażin.
Meta biċċa xogħol tibda ħażin kollox jibqa' sejjer ħażin.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Il-qawwa sa ma tibda.
Qabel tibda biċċa xogħol issibha bi tqila, iżda malli tibda tiġi l-enerġija biex tkompli.
Aktar ma ndumu nakkordaw milli ndoqqu.
Qed naħlu iżjed ħin nippreparaw milli naħdmu.
Bidu tajjeb nofs ix-xogħol.
Meta x-xogħol jibda bit-tajjeb l-affarijiet imorru sew u tgħaġġel iżjed.
Bix-xogħol ħotba tagħmel.
Hemm xi wħud li b'xogħolhom xorta waħda ma jleħħqux mal-ħajja, u jkollhom jaqilgħu l-flus minn xogħlijiet oħrajn.
Meta jorqod il-qattus, il-ġrieden joħorġu.
Jekk l-imgħallem ma jagħtix kas, ma jkunx hemm dixxiplina fuq ix-xogħol.
Is-sahra u t-tbakkir, iż-żina tal-Maltin.
Il-Maltin magħrufin għal kemm ibakkru (iqumu kmieni) u jaħdmu bi ħġarhom fit-tul.
Il-ħalliel ma jneżżax għarwien.
Min m'għandux flus ma jistax jgħin lil min għandu.
L-ewwel il-pappa, imbagħad l-umpappa.
Ix-xogħol u l-istudju jiġu qabel kull divertiment. Il-pappa tirreferi għall-ikel fuq il-mejda u l-umpappa tirreferi għad-daqqa li niżfnu u niddevertu magħha.
Għajnejn sidha jimlewlha żaqqha l-baqra.
Kulħadd iqis li xogħlu jiswa ħafna flus.