Meta tkun qed toqrob lejn l-aħħar ta' biċċa xogħol twila u tqila, l-enerġija tkun batuta ferm.
Tiġieġa ħawtiela bajjada.
Tiġieġa bieżla tagħmel bajd sabiħ, bħal min jistinka biex jagħti prodott sabiħ. Ħawtiela tfisser ħabrieka u bajjada tfisser li tbid.
Jekk min jinseġ iżomm il-miċċa, jitwi l-biċċa.
Meta tishar (= taħdem overtime) taqla' iżjed flus. Miċċa hija ftila.
Kulħadd irid jgħix fid-dinja.
Kulħadd għandu bżonn jaħdem biex jaqla' x'jiekol fid-dinja.
Jekk ma taqsamx il-bħajjar ma tkunx tista’ tnajjar.
Kien jeħtieġ li l-baħrin imorru jaħdmu fuq il-baħar 'il bogħod minn familthom biex jaqilgħu x'jieklu. Bħajjar huma oċeani u tnajjar tfisser tkampa.
Issensel u trempel fl-aħħar il-qanpiena ċċempel.
Jeħtieġ li biċċa xogħol tibdieha biex ikollok tama li xi darba teħlisha.
Min hu għajjien jistrieħ.
Min għejjieh ix-xogħol jistrieħ u jiddeverti sabiex ikollu s-saħħa jkompli wara.
Għal kull għadma hawn mitt kelb.
Il-kompetizzjoni għax-xogħol hija qalila.
Meta jorqod il-qattus, il-ġrieden joħorġu.
Jekk l-imgħallem ma jagħtix kas, ma jkunx hemm dixxiplina fuq ix-xogħol.
Kulħadd igerger minn xogħlu.
Kulħadd isib id-difetti fix-xogħol li jagħmel.
Min hu għajjien jistrieħ.
Min għejjieh ix-xogħol jistrieħ u jiddeverti sabiex ikollu s-saħħa jkompli wara.
Mingħajr għodda ma taħdimx.
Ma tistax tagħmel xogħol tajjeb mingħajr l-għodda t-tajba.
Ma tismax minni, ma tikolx ħobżi.
Jew tagħmel kif ngħidlek jiena, jew ma nqabbdekx tagħmel xogħol iżjed.
Mhux kull min għandu wiċċu mġemmed sar ħaddied.
Mhux imbilli tkun tagħmel ċertu xogħol jew tkun ta' xi sengħa, trid tkun tassew tinqala' fih(a).
Bastiment b’bosta kaptani jmur travers.
Meta jkun hemm ħafna nies involuti f'biċċa xogħol l-affarijiet ma jimxux sew.
Għal kull għadma hawn mitt kelb.
Il-kompetizzjoni għax-xogħol hija qalila.
Il-bniedem għax-xogħol maħluq.
Mingħajr xogħol il-bniedem bla direzzjoni.
Bidu tajjeb nofs ix-xogħol.
Meta x-xogħol jibda bit-tajjeb l-affarijiet imorru sew u tgħaġġel iżjed.
Bewla bla bassa, kastell bla għassa.
Kull aspett minn biċċa xogħol għandu jsir tajjeb.
Mhux kull min għandu wiċċu mġemmed sar ħaddied.
Mhux imbilli tkun tagħmel ċertu xogħol jew tkun ta' xi sengħa, trid tkun tassew tinqala' fih(a).
Min hu għajjien jistrieħ.
Min għejjieh ix-xogħol jistrieħ u jiddeverti sabiex ikollu s-saħħa jkompli wara.
Ix-xogħol salmura tal-ġisem.
Ix-xogħol fiżiku jsaħħaħ il-ġisem u jipprevjeni l-mard, bħas-salmura li tippreżerva l-ikel.