Jekk tħaddem għażżien, tħallsu wisq għall-ftit xogħol li jagħmel.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Aħjar tishar milli tbakkar.
Dak li għandek tagħmel agħmlu llum, mhux għada.
Il-bniedem ħaddmu għal rasu biex tkun taf x’jiswa.
Tara bniedem kemm hu kapaċi meta tħallih jagħmel biċċa xogħol waħdu.
Ħidma fil-btala tmur fis-siba u l-ħala.
Dari kienu jemmnu li Alla jikkastiga lil min jaħdem il-Ħdud u l-festi. Siba tfisser ħerba.
Ħidma u sabar sal-qabar.
Irridu naħdmu u nieħdu paċenzja sa mewtna.
Bil-ftit tal-għira kollox jieħu x-xejra.
Biex tagħmel biċċa xogħol tajba trid tagħmel moħħok hemm.
Dejjem tikber is-silla, iżda l-ħmar mhux dejjem jirgħa minnha.
Tagħmel ix-xogħol inti u ġieli tispiċċa ma tgawdi xejn minnu.
Il-bokra ssewwi ż-żokra.
Min ibakkar (iqum kmieni) ileħħaq jagħmel ħafna matul il-ġurnata.
B’idek il-waħda agħġen u bl-oħra keċċi l-qattusa.
Meta tkun għaddej b'biċċa xogħol, ara li ma jkunx hemm min iħarbatlek kollox.
Ħmar qammas jikser sinslet id-dahar.
L-injorant ma jagħmilx xogħol tajjeb.
Il-qawwa sa ma tibda.
Qabel tibda biċċa xogħol issibha bi tqila, iżda malli tibda tiġi l-enerġija biex tkompli.
Tiġieġa ħawtiela bajjada.
Tiġieġa bieżla tagħmel bajd sabiħ, bħal min jistinka biex jagħti prodott sabiħ.
Il-bokra ssewwi ż-żokra.
Min ibakkar (iqum kmieni) ileħħaq jagħmel ħafna matul il-ġurnata.
Għal melħa ma jħallix il-borma ħelwa.
Għal naqra, agħmel ix-xogħol sew.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Bix-xogħol ħotba tagħmel.
Hemm xi wħud li b'xogħolhom xorta waħda ma jleħħqux mal-ħajja, u jkollhom jaqilgħu l-flus minn xogħlijiet oħrajn.
L-għażżien xogħlu tqil.
L-għażżien ma jtajjarx xogħol.
Il-bokra ssewwi ż-żokra.
Min ibakkar (iqum kmieni) ileħħaq jagħmel ħafna matul il-ġurnata.
Aħjar waħda maħruqa minn tnejn nejja.
Aħjar tagħmel biċċa xogħol mhux perfetta milli ma tagħmel xejn.
Ħidma u bżulija u tfittixx x’tagħmel in-nies.
Agħmel xogħlok u ħallik min-nies.