M'għandekx tafda għax kulħadd kapaċi jiżbalja.
Lil min iddarrih irabbi l-ġust.
Jekk xi ħadd jidra jagħmel jew jirċievi xi ħaġa, jibda jaħseb li għandu dritt għaliha.
Is-self joħroġ jidħaq u jidħol jibki.
L-affarijiet tiegħek tieħu ħsiebhom, iżda meta tislifhom lil ħaddieħor kun af li mhux ser jieħu ħsiebhom bl-istess mod.
It-tiġrija sal-barkun biex tintrebaħ.
M'għandek qatt tagħmilha fatta li rbaħt jew li xi ħaġa saret tiegħek, stenna sal-aħħar biex tevita d-diżappunt.
Kieku waqa’ u kiser siequ.
Issa li sar sar, għalxejn toqgħod taħseb fuq dak li seta' kien.
Jew iddoqq jew tiżfen.
Ma tistax tleħħaq ma' kollox f'salt.
Ara u erġa’ ara qabel ma taqbeż.
Aħsibha sew qabel tieħu deċiżjoni.
Min idum jagħżel u jiħtar ikollu jaqa’ għall-agħar.
Min jittratieni u jdum ma jieħu deċiżjoni jkollu jbati l-konsegwenzi.
L-aħjar toqtol żewġ għasafar bi skartoċċ wieħed.
Aħjar teħles żewġ affarijiet f'daqqa kif tkun fiż-żifna.
Għaddi dejjem mnejn jgħaddi l-ħmar u ma jibdilekx.
Jekk tagħmel bħal ħaddieħor ma tiżbaljax.
Bil-mod kollox isir.
Bi ftit paċenzja kollox isir.
Billi tidħaq jew tinkwieta lanqas tixtri b’ħabba ftieta.
Għandek dejjem tuża s-sens komun fil-ħajja.
Ma tagħmilx li trid, tagħmel li tista’.
Agħmel l-almu tiegħek imbagħad jiġri li jrid.
Is-siġra ma tagħmilx frott barra minn żmienha.
Fid-dinja kollox f'ħinu u f'waqtu, bħaċ-ċiklu tan-natura.
L-aħjar toqtol żewġ għasafar bi skartoċċ wieħed.
Aħjar teħles żewġ affarijiet f'daqqa kif tkun fiż-żifna.
Kull ħaġa f’waqtha.
Kollox għandu jsir fil-mument opportun.
Bil-paċenzja u ż-żejt, iljunfant ħexa nemla.
Trid tieħu paċenzja biex l-affarijiet jitranġaw.
Bin in-nies trabbihx, xbinek bi żbirr teħdux u l-mara turihiex kollox.
Trabbix tfal ta' nies oħra, tiżżewwiġx pulizija u lill-mara tgħidilhiex kollox għax tużah kontrik.
Id-dinja ma saritx f’daqqa.
Biex l-affarijiet isiru sew, iridu jsiru bil-mod u bil-paċenzja. Xejn ma jsir f'daqqa.
Biex titgħallem tgħum ma tridx tibża’ mill-ilma.
Min jibża' mkien ma jasal.
Ma tagħmilx li trid, tagħmel li tista’.
Agħmel l-almu tiegħek imbagħad jiġri li jrid.