Man-nejbiet lesti l-kfejniet.Dari kienu jmutu ħafna trabi meta jkunu waslu fl-età li jaqsmu n-nejbiet. Kfejniet tfisser twiebet żgħar tat-trabi.
L-għada li titrabba fiha l-kefen biss ineħħiha.Id-drawwiet tiegħek - tajbin u ħżiena - sa mewtek tibqa' bihom. Għada tfisser drawwa u l-kefen huwa t-tebut.
Id-destin ma tixtrihx b’karlin.Id-destin tiegħek ma taħarbu b'xejn. Karlin huwa munita li kienet tintuża fi żmien l-Ingliżi.
