Il-mewt ma jiskansaha ħadd, u turina li m’aħniex għal dejjem.
Kif tidra tgħix u kif tgħix tmut.
Il-mod ta' kif iġġib ruħek f'ħajtek jiddetermina kemm tmut b'rispett u dinjità.
Il-far il-mintuf issibu mixgħuf.
Min ikun għadda minn esperjenza ħażina joqgħod iżjed attent li ma jerġax jgħaddi minnha. Mixgħuf tfisser għandu xogħfa.
Il-mewt ħadd ma jsib tarfha.
Il-mewt ma jiskansaha ħadd, u turina li m’aħniex għal dejjem.
Il-mejjet jitherra u l-ħsara tidderra.
Wara mewtek, ħaddieħor jibda jinsiek bil-mod il-mod.
Għabra u riħ li għandek hawn tħallih.
Wara mewtek kollox warajk tħalli, xejn ma tieħu miegħek.
Kulħadd xortih fid-dinja.
Hemm min xortih tajba u min xortih ħażina fid-dinja.
Aktar ma nikbru, aktar noqorbu.
Aktar ma jgħaddi ż-żmien, aktar noqorbu lejn il-mewt.
Aħna lkoll għal ġol-ħofra.
Il-mewt ma jaħrabha ħadd.
Il-mewt dejjem b’xi għilla.
Il-mewt tiġi wkoll minħabba l-mard. Għilla tfisser marda.
Il-mewt beża’ minnha Alla, aħseb u ara aħna.
Anke Ġesù beża’ mill-mewt.
Tiġieġa tal-furmarija jekk ma jmisshiex filgħodu, jmissha filgħaxija.
Kulħadd irid imut xi darba jew oħra. Il-furmarija tfisser l-isptar.
Il-ħin jgħaddi u l-mewt toqrob.
Aktar ma jgħaddi ż-żmien, aktar toqrob il-mewt.
Kien ilbieraħ u kien l-ewliemes, iżda llum hu ġewwa d-dwiemes.
Il-ħajja qasira ħafna għax għexnieha lbieraħ u ta' qabel (= l-ewliemes), illum waslet il-mewt u ninsabu fl-oqbra (= id-dwiemes).
Il-mewt isserraħ u l-qawwa tferraħ.
La mmutu neħilsu mit-tbatija, imma sakemm jasal dak il-mument jeħtieġ ingawdu l-ħajja.
Il-ħajja qabel il-mewt.
Sakemm inkunu għadna ħajjin, jeħtieġ li qabelxejn naħsbu kif se ngħixu.
Tiknisx billejl biex ma teqridx l-ewwieħ it-tajba.
Superstizzjoni ta' dari fejn kienu jemmnu li jekk tiknes billejl iġġib il-mewt fil-familja.
Il-mewt mixtieqa taqbeż mit-tieqa.
Aktar kemm tkun tixtieq lil xi ħadd mejjet, aktar idum ma jmut.
Tiknisx billejl biex ma teqridx l-ewwieħ it-tajba.
Superstizzjoni ta' dari fejn kienu jemmnu li jekk tiknes billejl iġġib il-mewt fil-familja.
B’għalja ġġedded ħajtek u b’għalja tmut.
Id-dispjaċir jew itawwallek ħajtek jew joqtlok.
Illum ħaj u għada mejjet.
Il-mewt tasal ħabta u sabta.
Għal min għandu jmut bil-forka m’hemmx barrakka għalih.
Id-destin ma tistax taħrab minnu.