Tgħidx affarijiet ħżiena fuq il-mejtin.
Il-ħajja qabel il-mewt.
Sakemm inkunu għadna ħajjin, jeħtieġ li qabelxejn naħsbu kif se ngħixu.
Il-far il-mintuf issibu mixgħuf.
Min ikun għadda minn esperjenza ħażina joqgħod iżjed attent li ma jerġax jgħaddi minnha. Mixgħuf tfisser għandu xogħfa.
Id-destin jitwieled miegħek.
Id-destin tiegħek ma taħarbu b'xejn.
Bena u għalla, mar u ħalla.
Wara l-mewt, ikollok kemm ikollok trid tħallih warajk.
Il-kaġun quddiem u l-mewt wara.
Il-mewt dejjem tasal kaġun ta' xi ħaġa.
Il-mewt ma taħfirha lil ħadd.
Il-mewt ma jiskansaha ħadd, u turina li m’aħniex għal dejjem.
B’riħ jew riefnu minn hawn irridu nsiefru.
Xi darba jew oħra rridu mmutu.
Il-mewt dejjem b’xi għilla.
Il-mewt tiġi wkoll minħabba l-mard. Għilla tfisser marda.
Kulħadd jidfen ’l ommu kif jista’.
Kulħadd jagħmel sa fejn jista' f'sitwazzjonijiet diffiċli, anke finanzjarjament.
Il-mewt mixtieqa taqbeż mit-tieqa.
Aktar kemm tkun tixtieq lil xi ħadd mejjet, aktar idum ma jmut.
Ħadd ma mar u ġie.
Ħadd ma miet u reġa' lura.
Ħadd wara Ħadd, fl-aħħar tasal ta’ kulħadd.
Il-mewt lil ħadd ma taħfirha, xi darba tasal.
Id-destin jitwieled miegħek.
Id-destin tiegħek ma taħarbu b'xejn.
Għal min għandu jmut bil-pesta m’hemmx barrakka għalih.
Id-destin ma tistax taħrab minnu.
Bena u għalla, mar u ħalla.
Wara l-mewt, ikollok kemm ikollok trid tħallih warajk.
F’mewt ix-xiħ flok biki jkun hemm żfin.
Il-werrieta tax-xiħ, minflok jibkuh, jifirħu għaliex ser jirtuh.
Il-bniedem ruħ waħda għandu.
Jeħtieġ li l-bniedem jieħu ħsieb ta' ruħu wkoll, m'aħniex għal dejjem.
Il-bniedem ruħ waħda għandu.
Jeħtieġ li l-bniedem jieħu ħsieb ta' ruħu wkoll, m'aħniex għal dejjem.
Il-mewt ma taħfirha lil ħadd.
Il-mewt ma jiskansaha ħadd, u turina li m’aħniex għal dejjem.
Fittxu ħuduh ‘il barra ħalli naqsmu dak li ħalla.
Il-werrieta ta' min għandu l-flus, minflok jibkuh, jifirħu għaliex ser jirtuh.
Għal min għandu jmut bil-pesta m’hemmx barrakka għalih.
Id-destin ma tistax taħrab minnu.