Il-mewt tasal ħabta u sabta.
Kulħadd xortih fid-dinja.
Hemm min xortih tajba u min xortih ħażina fid-dinja.
Il-mejjet joħroġ u s-sabar jidħol.
Wara mewtek, ħaddieħor jibda jinsiek bil-mod il-mod.
Id-destin ma tixtrihx b’karlin.
Id-destin tiegħek ma taħarbu b'xejn. Karlin huwa munita li kienet tintuża fi żmien l-Ingliżi.
Ibża’ mill-ħajjin mhux mill-mejtin.
Il-mejtin ma jistgħux jagħmlulek ħsara, imma l-ħajjin iva.
Meta l-fellus jonqob qabel iż-żmien, ħajtu ma fihiex tmiem.
Meta l-fellus ifaqqas (= jonqob) qabel iż-żmien, ħajtu ma tkunx twila. Qawl li jgħodd ukoll għat-trabi ta' dari.
Il-ħin jgħaddi u l-mewt toqrob.
Aktar ma jgħaddi ż-żmien, aktar toqrob il-mewt.
Il-ħajja nżul u tlajja’.
Il-ħajja fiha s-sabiħ u l-ikrah tagħha.
Il-mejjet jitherra u l-ħsara tidderra.
Wara mewtek, ħaddieħor jibda jinsiek bil-mod il-mod.
Il-ħajja qabel il-mewt.
Sakemm inkunu għadna ħajjin, jeħtieġ li qabelxejn naħsbu kif se ngħixu.
Kulħadd jidfen ’l ommu kif jista’.
Kulħadd jagħmel sa fejn jista' f'sitwazzjonijiet diffiċli, anke finanzjarjament.
Il-mejjet jitherra u l-ħsara tidderra.
Wara mewtek, ħaddieħor jibda jinsiek bil-mod il-mod.
Il-ħin jgħaddi u l-mewt toqrob.
Aktar ma jgħaddi ż-żmien, aktar toqrob il-mewt.
Mejjet ma jerfax ieħor.
Min ikun f'sitwazzjoni diffiċli ma jkunx jista' jgħin lil ħaddieħor.
L-għada li titrabba fiha l-kefen biss ineħħiha.
Id-drawwiet tiegħek - tajbin u ħżiena - sa mewtek tibqa' bihom. Għada tfisser drawwa u l-kefen huwa t-tebut.
“Merħba, ja mewt,” qal il-ġurdien kif ħass in-nassa tingħalaq fuqu.
Ladarba l-affarijiet jibdew ġejjin ħażin, aċċetta u ssaporti.
Għasfur li daħal f’xibka qawwi li joħroġ minnha.
Fejn hemm il-ħajja għad hemm it-tama li l-affarijiet jitranġaw.
B’għalja ġġedded ħajtek u b’għalja tmut.
Id-dispjaċir jew itawwallek ħajtek jew joqtlok.
Jekk il-mejjet iqum minn qabru jinsab minn jeħodlu postu.
Fid-dinja kollha mmutu wieħed wara l-ieħor, ħadd ma jeħlisha.
Min ħalla l-ulied bħal kieku ma mietx.
Min imut jibqa' jgħix f'uliedu.
Gawdi għax mid-dinja m’għandna xejn.
Ħu pjaċir bil-ħajja u għix kuntent, għax il-ħajja qasira u magħna m'aħna ser nieħdu xejn.
L-imwiet għal kulħadd, għall-foqra u l-imwiel.
Fqir jew sinjur, xi darba tmut bħal ħaddieħor. Imwiel hu l-plural ta' mula, u tfisser rikkezzi.