Dari l-qilla tan-natura (eż. il-maltempati) kienu jeħduha bħala wirja tas-setgħa t'Alla. Namar tfisser għemil.
Alla jxiegħel lill-battal.
Donnu x-xogħol Alla jagħtih lil min ma jaħdimx.
Alla qabel ilaqqa’, ixebbah.
Qabel ma jlaqqa’ lin-nies, Alla jara li jkollhom karattru jixxiebah.
Alla ma jħallasx kull nhar ta’ Sibt.
Il-kastig ta’ kulħadd jasal xi darba.
“Alla jsewwi”, qal tal-bajd meta waqa’ u kissru.
Il-bniedem iħalli f’idejn Alla meta ma jkun jista’ jagħmel xejn.
Alla biss jaf x’għandna ġewwa qalbna.
Il-bnedmin jistgħu jaħbu minn xulxin, iżda mhux minn Alla.
L-ewwel jien u Alla sidek.
Il-bniedem egoist.
Alla jagħti l-għama u x-xitan jaħbi l-ixkora.
Aktar ma tkun magħkus, aktar jgħakksuk.
Alla joħloq kif jogħġbu u jagħmel dak li jrid.
Trid taċċetta lil kulħadd kif ħalqu Alla.
Il-grazzja t’Alla ma tonqosx.
Il-grazzja t'Alla lil kulħadd tilħaq, int min int.
Alla wieħed u nies wisq.
Fid-dinja hawn ħafna nies, imma ħadd minnhom mhu Alla.
Alla jħallas lill-ħażin minn din id-dinja.
Alla jikkastiga lil min ma jindimx minn dnubietu qabel mewtu.
Min ħalaqna jaf bina.
Alla lil kulħadd iħares.
Alla jibgħatha tajba għax ħażina ilha.
Meta jkunu ilhom sejrin ħażin l-affarijiet, wieħed jitlob lil Alla biex imorru għall-aħjar.
Aħfer biex Alla l-imbierek jaħfirlek.
L-ewwel aħfer lil għajrek biex Alla jaħfirlek.
Għas-swar t’Alla m’hemmx kanuni.
Ħadd ma jista' għal Alla.
Dak li jagħmel Alla ma jħassru ħadd.
Ħadd ma jindaħal fil-pjanijiet li Alla jkollu.
Min għandu lil Alla għandu kollox.
Min ikollu lil Alla f'qalbu jilħaq il-milja ta' ħajtu.
Ma’ Alla ma tiċċajtax.
Alla ma jista' ħadd għalih.
Alla jaħseb f’kulħadd.
Alla lil ħadd ma jinsa.
Alla jħarsek minn min jgħid Armajn.
Alla jħarsek minn min ma jżommx kelmtu miegħek.
Dak li jagħmel Alla ma jħassru ħadd.
Ħadd ma jindaħal fil-pjanijiet li Alla jkollu.