Alla qiegħed kullimkien, u li jagħmel huwa għalina nagħmlu aħna għalih.
Id-driegħ t’Alla twil.
Alla lil kulħadd jagħtih dak li ħaqqu.
Alla jaħfer u t-trab jgħatti.
Alla jaħfirlek dnubietek u la tmut jintesew ukoll.
Alla ’l min għandu jqawwih, u ’l min m’għandux jhennih.
Alla jittratta lil kulħadd l-istess, għax huwa ġust.
“Alla jsewwi”, qal tal-bajd meta waqa’ u kissru.
Il-bniedem iħalli f’idejn Alla meta ma jkun jista’ jagħmel xejn.
Għas-swar t’Alla m’hemmx kanuni.
Ħadd ma jista' għal Alla.
Alla jagħti jew snien jew biskotti.
Alla dejjem jagħtik xi ħaġa pożittiva f’ħajtek.
Ir-reliġjon tqawwi r-ruħ kontra kull dwejjaq.
Ir-reliġjon tagħti t-tama lill-bniedem.
Is-sewwa bin Alla.
Min jagħmel dak li hu sewwa jkun qed jagħmel ir-rieda t’Alla.
Alla fettieħi, Alla għajjur; Alla nebbieħi u ma’ kulħadd idur.
Alla juri mħabba kbira lejn kulħadd.
Dak li jagħmel Alla ma jħassru ħadd.
Ħadd ma jindaħal fil-pjanijiet li Alla jkollu.
Alla mas-skaren u mat-tfal.
Alla jieħu ħsieb tas-sakranazzi u tat-tfal.
Il-grazzja t’Alla ma tonqosx.
Il-grazzja t'Alla lil kulħadd tilħaq, int min int.
Ir-reliġjon tqawwi r-ruħ kontra kull dwejjaq.
Ir-reliġjon tagħti t-tama lill-bniedem.
Alla jaf l-aktar ħsibijiet moħbija tagħna.
Il-bnedmin jistgħu jaħbu minn xulxin, iżda mhux minn Alla.
Alla jibgħatha tajba għax ħażina ilha.
Meta jkunu ilhom sejrin ħażin l-affarijiet, wieħed jitlob lil Alla biex imorru għall-aħjar.
Alla biss jaf x’inhu s-sewwa.
Alla biss jiġġudika x’inhu sewwa u l-aħjar.
Għas-swar t’Alla m’hemmx kanuni.
Ħadd ma jista' għal Alla.
Aħfer biex Alla l-imbierek jaħfirlek.
L-ewwel aħfer lil għajrek biex Alla jaħfirlek.
Alla jżomm il-ħaqq u jeħlisna minnu.
Alla f’li jagħmel huwa ġust, bit-tama li jeħlisna mill-ġustizzja.
Alla jtik ħaġa u jeħodlok oħra.
Alla jittratta lil kulħadd l-istess, għax huwa ġust.
Dak li jagħmel Alla kollox sew.
Alla ma jagħmilx ħażen.