L-ewwel aħfer lil għajrek biex Alla jaħfirlek.
Il-bniedem jipproponi u Alla jiddisponi.
Il-bniedem jippjana iżda Alla jiddeċiedi dak li jseħħ.
Alla ma jħallasx kull nhar ta’ Sibt.
Il-kastig ta’ kulħadd jasal xi darba.
Is-sewwa bin Alla.
Min jagħmel dak li hu sewwa jkun qed jagħmel ir-rieda t’Alla.
Alla joħloq kif jogħġbu u jagħmel dak li jrid.
Trid taċċetta lil kulħadd kif ħalqu Alla.
Jekk għandek jiswielek, u Alla jgħinek bi ġmielek.
Lil min għandu l-flus, id-dinja tidħaqlu.
B’Alla u ż-żaqq ma jidħaq ħadd.
Il-bniedem għandu bżonn lil Alla f'ħajtu, bħalma żaqqu għandha bżonn l-ikel biex jgħix.
Alla jagħlaq bieb u jiftaħ mija.
Meta xi ħaġa tmur ħażin, Alla jibgħat ħafna oħrajn tajbin.
Alla jaf l-aktar ħsibijiet moħbija tagħna.
Il-bnedmin jistgħu jaħbu minn xulxin, iżda mhux minn Alla.
Alla jagħti jew snien jew biskotti.
Alla dejjem jagħtik xi ħaġa pożittiva f’ħajtek.
Alla tani l-għama u l-għadu ħbieli l-ixkora.
Aktar ma tkun magħkus, aktar jgħakksuk.
Dak li jagħmel Alla ma jħassru ħadd.
Ħadd ma jindaħal fil-pjanijiet li Alla jkollu.
Alla ta u Alla ħa; niżżu ħajr ’l Alla.
F'idejn Alla dak li jogħġbu jagħtina jew joħdilna.
Alla ’l min għandu jqawwih, u ’l min m’għandux jhennih.
Alla jittratta lil kulħadd l-istess, għax huwa ġust.
Alla lill-bniedem iħallsu skont qalbu.
Alla jippremja jew jikkastiga skont l-imġiba tal-bniedem.
Alla fejn iridek isibek.
Tagħmel x’tagħmel, il-mewt ma taħrabhiex.
Alla jagħti l-għama u x-xitan jaħbi l-ixkora.
Aktar ma tkun magħkus, aktar jgħakksuk.
Il-bniedem jipproponi u Alla jiddisponi.
Il-bniedem jippjana iżda Alla jiddeċiedi dak li jseħħ.
Alla ’l min jitilqu jagħtih il-kuntentizza ta’ did-dinja.
Alla donnu ma jagħtix kas lil min jitilqu billi jagħtih kollox.
Min ħabb lil Alla u r-reġina ma batiex.
Min ġab rispett lil Alla u obda l-liġi ma kellux problemi.
Alla jħarsek minn min għandu ħuġbejn kbar.
Alla jħarsek min-nies aggressivi.