Alla jħarsek min-nies aggressivi.
Is-sewwa ħabib Alla.
Min jagħmel dak li hu sewwa jkun qed jagħmel ir-rieda t’Alla.
Alla mas-skaren u mat-tfal.
Alla jieħu ħsieb tas-sakranazzi u tat-tfal.
Alla b’ħabel tat-tajjar isawwat.
Alla ma jagħtix kastigi ħorox, jaf iqis.
Alla jagħti jew snien jew biskotti.
Alla dejjem jagħtik xi ħaġa pożittiva f’ħajtek.
Għas-swar t’Alla m’hemmx kanuni.
Ħadd ma jista' għal Alla.
Alla lill-bniedem iħallsu skont qalbu.
Alla jippremja jew jikkastiga skont l-imġiba tal-bniedem.
Alla biss jaf x’għandna ġewwa qalbna.
Il-bnedmin jistgħu jaħbu minn xulxin, iżda mhux minn Alla.
Alla min jagħtih ħaġa u min jagħtih oħra.
Alla lil ħadd ma jinsa.
Alla fettieħi, Alla għajjur; Alla nebbieħi u ma’ kulħadd idur.
Alla juri mħabba kbira lejn kulħadd.
Alla biss jaf il-bniedem xi jkollu f’qalbu.
Il-bnedmin jistgħu jaħbu minn xulxin, iżda mhux minn Alla.
Is-sewwa bin Alla.
Min jagħmel dak li hu sewwa jkun qed jagħmel ir-rieda t’Alla.
Alla b’waħda jagħtina u bl-oħra jżiegħel bina.
Alla jikkastigana daqs kemm iħenn għalina.
Alla jagħti l-għama u x-xitan jaħbi l-ixkora.
Aktar ma tkun magħkus, aktar jgħakksuk.
Alla meta ħalaq il-flus qal: “Se noħloq ħaġa egħżeż minni!”
In-nies jagħmew bil-flus u jinsew lil Alla.
Alla mas-skaren u mat-tfal.
Alla jieħu ħsieb tas-sakranazzi u tat-tfal.
Alla fi lsienu u x-xitan f’qalbu.
In-nies wiċċ b’ieħor isemmu lil Alla, imma f’qalbhom ikun hemm il-ħażen.
Is-sewwa bin Alla.
Min jagħmel dak li hu sewwa jkun qed jagħmel ir-rieda t’Alla.
Il-grazzja t’Alla ma tonqosx.
Il-grazzja t'Alla lil kulħadd tilħaq, int min int.
Aħfer biex Alla l-imbierek jaħfirlek.
L-ewwel aħfer lil għajrek biex Alla jaħfirlek.
Dak li jagħmel Alla ma jħassru ħadd.
Ħadd ma jindaħal fil-pjanijiet li Alla jkollu.