Il-mod ta' kif iġġib ruħek f'ħajtek jiddetermina kemm tmut b'rispett u dinjità.
Man-nejbiet lesti l-kfejniet.
Dari kienu jmutu ħafna trabi meta jkunu waslu fl-età li jaqsmu n-nejbiet. Kfejniet tfisser twiebet żgħar tat-trabi.
L-imwiet għal kulħadd, għall-foqra u s-sinjuri.
Fqir jew sinjur, xi darba tmut bħal ħaddieħor.
Il-mejtin m’għandekx xi tridhom.
Tgħidx affarijiet ħżiena fuq il-mejtin.
Il-ħajja nżul u tlajja’.
Il-ħajja fiha s-sabiħ u l-ikrah tagħha.
Il-bniedem ruħ waħda għandu.
Jeħtieġ li l-bniedem jieħu ħsieb ta' ruħu wkoll, m'aħniex għal dejjem.
Ħadd ma miet u ġie.
Ħadd ma miet u reġa' lura.
Għabra u riħ li għandek hawn tħallih.
Wara mewtek kollox warajk tħalli, xejn ma tieħu miegħek.
L-aħjar min imut żgħir għax jistrieħ.
Iktar ma tgħix ħajja twila, iktar tbati.
Min ħalla l-ulied bħal kieku ma mietx.
Min imut jibqa' jgħix f'uliedu.
Id-destin jitwieled miegħek.
Id-destin tiegħek ma taħarbu b'xejn.
Il-kaġun quddiem u l-mewt wara.
Il-mewt dejjem tasal kaġun ta' xi ħaġa.
Il-mejjet mal-mejjet u l-ħaj mal-ħaj.
Sakemm għadek ħaj, aħseb fil-ħajja.
Il-mewt lil kulħadd tqiegħdu f’postu.
Il-mewt ma jiskansaha ħadd, u turina li m’aħniex għal dejjem.
Il-mejjet joħroġ u s-sabar jidħol.
Wara mewtek, ħaddieħor jibda jinsiek bil-mod il-mod.
L-imwiet għal kulħadd, għall-foqra u s-sinjuri.
Fqir jew sinjur, xi darba tmut bħal ħaddieħor.
Kif il-ħajja, il-mewt.
Il-mod ta' kif iġġib ruħek f'ħajtek jiddetermina kemm tmut b'rispett u dinjità.
Il-ħin jgħaddi u l-mewt toqrob.
Aktar ma jgħaddi ż-żmien, aktar toqrob il-mewt.
Mejjet ma jerfax ieħor.
Min ikun f'sitwazzjoni diffiċli ma jkunx jista' jgħin lil ħaddieħor.
Il-far il-mintuf issibu mixgħuf.
Min ikun għadda minn esperjenza ħażina joqgħod iżjed attent li ma jerġax jgħaddi minnha. Mixgħuf tfisser għandu xogħfa.
Aħna lkoll għal ġol-ħofra.
Il-mewt ma jaħrabha ħadd.
B’riħ jew riefnu minn hawn irridu nsiefru.
Xi darba jew oħra rridu mmutu.