Ir-reliġjon tagħti t-tama lill-bniedem.
Alla qabel ilaqqa’, ixebbah.
Qabel ma jlaqqa’ lin-nies, Alla jara li jkollhom karattru jixxiebah.
Is-sewwa bin Alla.
Min jagħmel dak li hu sewwa jkun qed jagħmel ir-rieda t’Alla.
Alla jibni knisja, ix-xitan itella’ kappella.
Il-ħażin dejjem lest biex jirbaħ fuq it-tajjeb.
Alla jaf l-aktar ħsibijiet moħbija tagħna.
Il-bnedmin jistgħu jaħbu minn xulxin, iżda mhux minn Alla.
Alla fi lsienu u x-xitan f’qalbu.
In-nies wiċċ b’ieħor isemmu lil Alla, imma f’qalbhom ikun hemm il-ħażen.
Alla jżomm il-ħaqq u jeħlisna minnu.
Alla f’li jagħmel huwa ġust, bit-tama li jeħlisna mill-ġustizzja.
Il-grazzja t’Alla ma tonqosx.
Il-grazzja t'Alla lil kulħadd tilħaq, int min int.
Alla wieħed u nies wisq.
Fid-dinja hawn ħafna nies, imma ħadd minnhom mhu Alla.
Għin ruħek biex Alla jgħinek.
Trid tagħmel ħiltek ukoll biex l-affarijiet jirnexxu.
Alla fina, aħna fih; kulma jagħmel għalina, kulma nagħmlu għalih.
Alla qiegħed kullimkien, u li jagħmel huwa għalina nagħmlu aħna għalih.
Alla ma jsawwatx u jerġa’.
Alla jikkastigana daqs kemm iħenn għalina.
Alla joħloq kif jogħġbu u jagħmel dak li jrid.
Trid taċċetta lil kulħadd kif ħalqu Alla.
Id-driegħ t’Alla twil.
Alla lil kulħadd jagħtih dak li ħaqqu.
Alla jħallas lill-ħażin minn din id-dinja.
Alla jikkastiga lil min ma jindimx minn dnubietu qabel mewtu.
Alla jaf x’inhu l-aħjar.
Alla biss jiġġudika x’inhu sewwa u l-aħjar.
Għas-swar t’Alla m’hemmx kanuni.
Ħadd ma jista' għal Alla.
Alla ’l min jitilqu jagħtih il-kuntentizza ta’ did-dinja.
Alla donnu ma jagħtix kas lil min jitilqu billi jagħtih kollox.
Alla jħarsek minn min jgħid Armajn.
Alla jħarsek minn min ma jżommx kelmtu miegħek.
Is-sewwa ħabib Alla.
Min jagħmel dak li hu sewwa jkun qed jagħmel ir-rieda t’Alla.
Alla ’l min jitilqu jagħtih il-kuntentizza ta’ did-dinja.
Alla donnu ma jagħtix kas lil min jitilqu billi jagħtih kollox.
In-namar t’Alla jbeżża’.
Dari l-qilla tan-natura (eż. il-maltempati) kienu jeħduha bħala wirja tas-setgħa t'Alla. Namar tfisser għemil.