Il-kavallieri xorta kienu jgħixu ħajja ta' promiskwità, minkejja l-vot ta' kastità li kienu jieħdu. Irejjex tfisser jistad, li f'dan il-każ tfisser imur ifittex il-pjaċiri sesswali.
Ebda saba’ ma jixbah lill-ieħor.
Kulħadd għandu karattru u opinjonijiet differenti.
Kategoriji: il-karattru
Ħafna ftaħir imbagħad tfittex u ma ssib xejn.
Min ikun irid jimpressjona ma jkollux tassew biex.
Ħadd ma jara n-nuqqasijiet tiegħu.
Ħadd ma jħares lejn id-difetti tiegħu.
Kulħadd iħokk fejn jieklu.
Kulħadd lejn l-interessi tiegħu jħares.
Kulħadd b’xi lula, sal-qamar ta’ belula.
Kollha kemm aħna għandna xi difett (= lula), mill-iżjed bniedem intelliġenti sal-aktar wieħed baħnan (= il-qamar ta' belula).
Kull ħmar iħobb jisma’ lilu nnifsu jinħaq.
Min jaħseb li hu xi ħaġa, ikun mingħalih li dejjem għandu raġun u ma jagħti kas ta' ħadd.
Min jagħmilha man-nuħħala t-tiġieġa tgerfxu.
Min jagħmilha ma' nies ta' karattru ħażin jitħawwad.
Biex tiskonġra trid tkun pur.
Ara li jekk ser tikkritika lil ħaddieħor fuq xi difett ma jkollokx inti stess l-istess difett. Tiskonġra tfisser teżorċizza.
Min iħobb it-tibkir raġel isir.
Min ibakkar (= iqum kmieni) għax-xogħol isir bniedem iddixxiplinat.
Min iħobbha nejja u min iħobbha misjura.
Kulħadd bil-gosti tiegħu.
Il-faħħar ir-rix barra jarmih.
Ma jagħmillekx ġieħ toqgħod tiftaħar.
Il-lupu jbiddel sufu u mhux għemilu.
Bniedem ħażin jipprova jagħtik x'tifhem li nbidel, iżda fil-fond ta' qalbu ħażin jibqa'.
Giddieb darba, giddieb dejjem.
Min jinqabad fil-gideb imqar darba jieħu l-fama ta' giddieb u ħadd ma jemmnu iżjed.
Inkejt inkejja daret b’widnejja, inkejt ‘l ommi qlajt għajnejja.
Tkunx inkejjuż għax f'wiċċek jibqa'.
Il-qaħba tgħajjar lil ħaddieħor qaħba.
Xi nies jgħajru lil ħaddieħor bid-difetti tagħhom stess.
Min jagħmilha man-nuħħala t-tiġieġa tgerfxu.
Min jagħmilha ma' nies ta' karattru ħażin jitħawwad.
Kulħadd milli għandu jagħti.
Tistenniex affarijiet mingħand min taf li ma jistax jagħtihomlok.
Fuq ġebla waħda jibni sur.
Qed jgħid affarijiet wisq esaġerati biex jitwemmnu.
Daqqa fuq iċ-ċirku u oħra fuq il-bettija.
Bniedem li jġib ruħu ħażin u bis-salvaġiżmu wara jpattilu bil-ħlewwa u l-ġentilezza.
In-nies ma tixxibahx u kulħadd fehmtu.
Kulħadd bil-fehmiet u l-gosti tiegħu.
Il-ħarsa ġġib il-kelma u r-ruħ taqa’.
L-attrazzjoni sesswali tibda b'ħarsa, tkompli b'kelma, u fl-aħħar taqa' fit-tentazzjoni.