Mara armla għandha bżonn min jgħinha, ma tistax tgħin hi lil ħaddieħor.
Kulħadd jifraħ bl-għarusa tiegħu.
Kulħadd jifraħ b'dak li għandu - l-għarus(a), ix-xogħol, id-dar, il-familja, eċċ.
Kategoriji: l-imħabba
Iż-żwieġ mingħajr tarbija ma fihx tgawdija.
Koppja miżżewġa bit-tfal tgħix iżjed kuntenta minn koppja bla tfal.
Il-bews bħal-lewż, ma jxebbgħek qatt.
Il-bews irriduh il-ħin kollu.
Bewsa ta’ żewġek xħin tiftakar fiha terġa’ tmewġek.
Il-bewsa tal-mara jew ir-raġel tiegħek tqanqlek.
Iż-żwieġ kaxxa magħluqa.
Ma tistax tkun taf minn qabel kemm se jirnexxi ż-żwieġ, bħal kaxxa magħluqa li ma tkunx taf x'fiha.
L-imħabba twaħħad il-fehma mal-qalb.
Bl-imħabba tgħix kuntent.
Ix-xemgħa torbot u l-qniepen tħoll.
Iż-żwieġ isir bix-xemgħat fil-knisja u jinħall biss malli tasal il-mewt.
Meta xebba għaż-żwieġ mixħuta, tixxabbat ma’ xi tuta biex biha tikseb f’butha.
Xebba li tkun tixtieq tiżżewweġ, jeħtieġ li taħdem biex taqla' l-flus sabiex tgħajjex il-familja.
L-ikel gosti, l-ilbies namuri u ż-żwieġ konġunturi.
Ma tistax tkun taf minn qabel kemm se jirnexxi ż-żwieġ, skont ix-xorti (= konġunturi).
Meta xebba tkun għarusa, tibda taħseb għaliha nfusha.
Dari meta xebba titgħarras, kien jeħtieġ taħsbilha għad-dota.
Iż-żwieġ fih lagħqa għasel u bettija morr.
Iż-żwieġ fih iżjed esperjenzi koroh milli sbieħ.
Armla ma tistax tgħin lil miżżewġa.
Mara armla għandha bżonn min jgħinha, ma tistax tgħin hi lil ħaddieħor.
Din hi l-għarusa; jekk togħġbok aqbadha u jekk ma togħġbokx ħallini nraqqadha.
Meta ma jkollokx għażla, jew tieħu li hemm jew ibqa' b'xejn.
Fil-għaqda taż-żwieġ jeħtieġ toqgħod għall-meħtieġ.
Meta tiżżewweġ ikollok iżjed responsabbiltà u ma jkollokx l-istess libertà li jkollok meta tkun għadek ġuvni jew xebba.
Meta l-faqar jidħol mit-tieqa, l-imħabba toħroġ mill-bieb.
Il-faqar huwa sors ta' xkiel għall-imħabba.
Iż-żwieġ fih lagħqa ħelu u bettija mrar.
Iż-żwieġ fih iżjed esperjenzi koroh milli sbieħ.
L-aħjar taż-żwieġ mill-kelma sat-tieġ.
Żmien l-għerusija (= meta tagħti kelma) huwa ħafna isbaħ mir-realità diffiċli taż-żwieġ.
Mar-rabta taż-żwieġ l-omm taħseb għall-meħtieġ.
Dari l-ommijiet kienu jaħsbu għad-dota ta' binthom meta titgħarras.
Tifla ħudha minn dar ta’ nies jistgħu, u għalqa ħudha mingħand għażżien.
Dari ma kontx tiżżewweġ biss għall-imħabba iżda wkoll għad-dota tax-xebba - bl-istess mod, kien jaqbillek iżjed tikri għalqa li qatt ma tkun inħadmet.
Fejn tħobb il-qalb jiġbdu r-riġlejn.
Minn kollox tagħmel għal min tħobb.
Meta xebba għaż-żwieġ mixħuta, tixxabbat ma’ xi tuta biex biha tikseb f’butha.
Xebba li tkun tixtieq tiżżewweġ, jeħtieġ li taħdem biex taqla' l-flus sabiex tgħajjex il-familja.