In-nies jippruvaw iġegħluk temmen li qed jagħmlu xi ħaġa għal skop, mentri fil-verità jkollhom skop ieħor f'moħħhom.
Armel u mrabbab ma fiex xi ttellet.
In-nisa ma jkunux iridu rġiel romol li diġà jkollhom it-tfal.
Bħal tal-ewwel la tiżra’ u lanqas tħawwel.
L-ewwel imħabba ta' ħajtek dejjem tkun l-iżjed speċjali.
Isbaħ il-għaqal mill-ġmiel.
Iżżewweġ persuna għall-għaqal tagħha, mhux għall-apparenza fiżika biss.
Ġebel ma’ ġebel jiltaqa’.
Fiż-żwieġ il-ħajja tlaqqa' nies li jixirqu lil xulxin.
Din hi l-għarusa; jekk togħġbok aqbadha u jekk ma togħġbokx ħallini nraqqadha.
Meta ma jkollokx għażla, jew tieħu li hemm jew ibqa' b'xejn.
Il-musbieħ ġewwa l-imnara u l-għarusa ġewwa darha.
Wara li tiżżewweġ, mara għandha tmur toqgħod ma' żewġha mhux tibqa' d-dar t'ommha u missierha.
Il-passjoni l-bniedem iġġennu.
L-imħabba ġġiegħlek titlef kull sens ta' raġuni.
Il-grazzja aqwa mill-ġmiel.
Il-ġibda lejn il-karattru ta' persuna hija akbar mill-ġibda lejn is-sbuħija fiżika tagħha.
Agħti ruħek għan-namur u d-dinja ħalliha ddur.
Ħobb lil min trid u ħalli n-nies jgħidu.
Ħu l-inbid biex isir ħall u mhux il-ħall biex isir inbid.
Jekk tiżżewweġ lil xi ħadd b'karattru sabiħ, hemm ir-riskju li fil-futur ma jibqax sabiħ; jekk tiżżewweġ lil xi ħadd b'karattru ikrah, dan żgur qatt mhu ser isir sabiħ.
L-imħabba twaħħad il-fehma mal-qalb.
Bl-imħabba tgħix kuntent.
L-imħabba għamja.
L-imħabba m’għandhiex loġika.
Fejn tħobb il-qalb jiġbdu r-riġlejn.
Minn kollox tagħmel għal min tħobb.
Aqra xortik u ara mħabbtek kemm ittik.
Fl-imħabba jaf tkun xortik tajba jew xortik ħażina.
Il-grazzja aqwa mill-ġmiel.
Il-ġibda lejn il-karattru ta' persuna hija akbar mill-ġibda lejn is-sbuħija fiżika tagħha.
Ġebel ma’ ġebel jiltaqa’.
Fiż-żwieġ il-ħajja tlaqqa' nies li jixirqu lil xulxin.
Għal ratal laħam ma jaqbilx tixtri baqra.
Fiż-żwieġ is-sitwazzjonijiet diffiċli huma ħafna iżjed komuni minn dawk faċli, mela tagħżilx lil martek jew żewġek skont l-apparenza biss.
Ġebel ma’ ġebel jiltaqa’.
Fiż-żwieġ il-ħajja tlaqqa' nies li jixirqu lil xulxin.
Ix-xatba miftuħa, il-bejta magħluqa.
Dari l-prostituti tal-Kottonera kienu jħallu x-xatba ta' darhom miftuħa biex juru li huma okkupati ma' klijent.
Iddoqq lill-għarusa biex tiżfen il-qattusa.
In-nies jippruvaw iġegħluk temmen li qed jagħmlu xi ħaġa għal skop, mentri fil-verità jkollhom skop ieħor f'moħħhom.
Il-gdim imħabba u l-qris mibegħda.
Hemm min jemmen li l-gdim juri l-imħabba, u l-qris juri l-mibegħda.