Meta jorqod il-qattus, il-ġrieden joħorġu.Jekk l-imgħallem ma jagħtix kas, ma jkunx hemm dixxiplina fuq ix-xogħol.
Il-kotra tegħleb il-bokra.Meta nkunu magħqudin inkunu iżjed b’saħħitna u x-xogħol isir iżjed malajr. Bokra ġejja minn bakkar, tqum kmieni.
Issensel u trempel fl-aħħar il-qanpiena ċċempel.Jeħtieġ li biċċa xogħol tibdieha biex ikollok tama li xi darba teħlisha.
Dejjem tikber is-silla, iżda l-ħmar mhux dejjem jirgħa minnha.Tagħmel ix-xogħol inti u ġieli tispiċċa ma tgawdi xejn minnu.
L-ewwel il-pappa, imbagħad l-umpappa.Ix-xogħol u l-istudju jiġu qabel kull divertiment. Il-pappa tirreferi għall-ikel fuq il-mejda u l-umpappa tirreferi għad-daqqa li niżfnu u niddevertu magħha.
Il-maħbeż meta tmissu jaqbeż.Qis li tlesti x-xogħol li għandek bħalissa qabel ma tibda xogħol ieħor. Maħbeż huwa forn tal-ħobż.
