Trid tagħmel ħiltek ukoll biex l-affarijiet jirnexxu.
Ma tistax isservi ‘l Alla u x-xitan.
Ma tistax tagħmel żewġ affarijiet opposti fl-istess ħin.
Min ħalaqna jaf bina.
Alla lil kulħadd iħares.
Alla fettieħi, Alla għajjur; Alla nebbieħi u ma’ kulħadd idur.
Alla juri mħabba kbira lejn kulħadd.
Alla b’ħabel tat-tajjar isawwat.
Alla ma jagħtix kastigi ħorox, jaf iqis.
Alla jaf l-aktar ħsibijiet moħbija tagħna.
Il-bnedmin jistgħu jaħbu minn xulxin, iżda mhux minn Alla.
Mewt u xita Alla jaf meta.
Alla biss jiddeċiedi meta niġu fid-dinja u nitilqu minnha.
Kulħadd bis-slaleb u s-slaleb Alla jibgħathom.
Is-slaleb jibgħathom Alla u għalhekk wieħed għandu jaċċettahom.
Alla jżomm il-ħaqq u jeħlisna minnu.
Alla f’li jagħmel huwa ġust, bit-tama li jeħlisna mill-ġustizzja.
Alla fuq kollox u fuq kulħadd; xemx u xita jibgħat lil kulħadd.
Alla jittratta lil kulħadd l-istess, għax huwa ġust.
Alla biss jaf x’għandna ġewwa qalbna.
Il-bnedmin jistgħu jaħbu minn xulxin, iżda mhux minn Alla.
Is-sewwa ħabib Alla.
Min jagħmel dak li hu sewwa jkun qed jagħmel ir-rieda t’Alla.
Aħfer biex Alla l-imbierek jaħfirlek.
L-ewwel aħfer lil għajrek biex Alla jaħfirlek.
Alla jagħlaq bieb u jiftaħ mija.
Meta xi ħaġa tmur ħażin, Alla jibgħat ħafna oħrajn tajbin.
Alla ta u Alla ħa; niżżu ħajr ’l Alla.
F'idejn Alla dak li jogħġbu jagħtina jew joħdilna.
Alla jiftaħ u Alla jsewwi, in-nies rieqda u t-tabib idewwi.
It-tabib ma jistax ifejjaq nies mingħajr l-għajnuna t’Alla.
Alla jaf x’inhu l-aħjar.
Alla biss jiġġudika x’inhu sewwa u l-aħjar.
Il-ħaqq u s-sewwa ħarġu minn fomm Alla.
Alla jrid il-ġustizzja u s-sewwa.
Il-grazzja t’Alla ma tonqosx.
Il-grazzja t'Alla lil kulħadd tilħaq, int min int.
Alla biss jaf il-bniedem xi jkollu f’qalbu.
Il-bnedmin jistgħu jaħbu minn xulxin, iżda mhux minn Alla.
Kontra s-swar t’Alla m’hemmx kanuni.
Ħadd ma jista' għal Alla.
Għin ruħek biex Alla jgħinek.
Trid tagħmel ħiltek ukoll biex l-affarijiet jirnexxu.