Aktar kemm ikollok, aktar tkun trid. Qatt mhu biżżejjed.
Għawdxi żokrati l-gremxul ħasbu kavati.
L-Għawdxin rgħiba ħafna. Kavati tfisser ftira.
Aktar ma tħaddan, inqas tagħfas.
Aktar ma tkun trid affarijiet f'daqqa u dak il-ħin, inqas ikollok saħħa ġġorrhom u inqas tgawdi.
Ix-xħiħ għal ħabba jqaxxar qamla.
Ikollu kemm ikollu, ix-xħiħ jibqa' dejjem irid.
Min irid jaħfen kollox jispiċċa ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jaħfen tfisser jaqbad.
Meta x-xħiħ jiftaħ idu, il-kemm ma tistax tgħidu.
Meta x-xħiħ jiddeċiedi li jagħti, qatt ma tista' tgħid kemm se jagħti għax mhux soltu tiegħu.
Min iħażżaq wisq ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu.
Min jaħfen wisq ma jgħażżaż xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Għorb u ċawl ma jġibu ebda risq.
Min ir-regħba qiegħda ġo fih jinbidilx.
Dejjem juri l-qoħta għad li għandu l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
Ix-xħiħ għal ħabba jqalleb suq.
Ikollu kemm ikollu, ix-xħiħ jibqa' dejjem irid.
Min iħażżaq wisq ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu.
Kien xħiħ iqis u jkejjel, biex ħaduh il-bhejjem u hemm ħallewh għal dejjem.
Li tkun xħiħ ma jservi għalxejn, għax trid tmut bħal kulħadd u kollox warajk tħalli. Ħaduh il-bhejjem tfisser li ġibduh il-bhejjem fuq il-karru tal-mejtin, kif kienu jagħmlu dari.
Min jaħtaf bosta jibqa’ b’xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Ħadd ma jgħid li għandu żżejjed.
Aktar kemm ikollok, aktar tkun trid. Qatt mhu biżżejjed.
L-ilħiħ jegħleb lix-xħiħ.
In-nies wiċċhom tost idejquk iżjed min-nies rgħiba.
Bieqjet ir-rgħib dejjem imbidda / vojta.
Qatt ma tieħu xejn mingħand min hu rgħib.
Min jaqbad ħafna ma jżomm xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Min jaħtaf bosta jibqa’ b’xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu. Jgħażżaż tfisser imexmex.
Min iħażżaq wisq ma jaqbad xejn.
Min irid wisq (flus, fama, eċċ.) jispiċċa ma jkollu xejn, bl-istess mod li min jidħol għal wisq xogħol jispiċċa ma jleħħaqx miegħu.
Għajnejh ikbar minn żaqqu.
Il-gula tagħmel bih li jitfa' fil-platt iżjed milli jiflaħ jiekol.