Meta tkun rgħib tirriskja li titlef aktar milli takkwista.
Kien xħiħ iqis u jkejjel, biex ħaduh il-bhejjem u hemm ħallewh għal dejjem.
Li tkun xħiħ ma jservi għalxejn, għax trid tmut bħal kulħadd u kollox warajk tħalli. Ħaduh il-bhejjem tfisser li ġibduh il-bhejjem fuq il-karru tal-mejtin, kif kienu jagħmlu dari.
Dejjem juri l-qoħta għad li għandu l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.
Aktar ma tħaddan, inqas tagħfas.
Aktar ma tkun trid affarijiet f'daqqa u dak il-ħin, inqas ikollok saħħa ġġorrhom u inqas tgawdi.
Il-bniedem m’għandux xaba’.
Ir-regħba tal-bniedem hija kbira.
Il-kelb tal-basal la jiekol u la jħalli min jiekol.
La ma nistax ingawdi xi ħaġa, mhux se nħalli lil ħaddieħor igawdiha lanqas.
Ċawl u għorab, af illi jiekol, ma jitmax.
Min hu xħiħ jieħu dejjem u ma jagħti qatt.
Ekonomija, ekonomija, imbagħad jiġi x-xitan jgħidlek dawn għalija.
Min hu rgħib ma jgawdix flusu għax ikollu jużahom għal xi ħaġa li ma stenniex.
Għawdxi żokrati l-gremxul ħasbu kavati.
L-Għawdxin rgħiba ħafna. Kavati tfisser ftira.
Min għandu aktar irid.
Dejjem irridu aktar anke meta diġà għandna ħafna, għax qatt m'aħna kuntenti.
Ir-regħba tal-flus hija l-għerq ta’ kull deni.
In-nies jagħmlu ħafna għall-flus, u dan iwassal għal għawġ kbir.
Meta x-xħiħ jiftaħ idu, il-kemm ma tistax tgħidu.
Meta x-xħiħ jiddeċiedi li jagħti, qatt ma tista' tgħid kemm se jagħti għax mhux soltu tiegħu.
Għal ħabba bżar tilef il-borma.
Meta tkun rgħib tirriskja li titlef aktar milli takkwista.
Ix-xħiħ għal ħabba jqalleb suq.
Ikollu kemm ikollu, ix-xħiħ jibqa' dejjem irid.
L-ilħiħ jegħleb lix-xħiħ.
In-nies wiċċhom tost idejquk iżjed min-nies rgħiba.
Aktar ma tħaddan, inqas tagħfas.
Aktar ma tkun trid affarijiet f'daqqa u dak il-ħin, inqas ikollok saħħa ġġorrhom u inqas tgawdi.
Il-leħħa tegħleb ix-xeħħa.
Aħjar ikollok x'taqsam ma' bniedem xħiħ milli ma' bniedem fitt. Leħħa tfisser fittaġni.
Aktar m’għandek, aktar trid.
Il-bniedem qatt mhu kuntent, dejjem irid iżjed.
Aktar m’għandek, aktar trid.
Il-bniedem qatt mhu kuntent, dejjem irid iżjed.
Għal ħabba jqaxxar qamla.
Min jitqammel jaqa' fl-esaġerazzjoni.
Ċawl u għorab, af illi jiekol, ma jitmax.
Min hu xħiħ jieħu dejjem u ma jagħti qatt.
Jarmi l-qoħta u jerfa’ l-ġid.
Min hu rgħib dejjem jagħmel taparsi m'għandux biex jgħix, minkejja li jkollu l-ġid. Il-qoħta tfisser skarsezza.