Hemm min taħsbu bravu ħafna jew għandu ħafna flus, iżda ma jkun veru xejn.
kategorija
il-baħar
Min jiżra’ r-riħ jaħsad it-tempesti.
Il-kastig ikun kbir skont kemm ikun kbir il-ħażin li tkun għamilt.
Min ikun mimli ċomb ma jintefax il-baħar.
Min jaf li għandu tort jipprova jaħbi l-ħażin li għamel akkost ta' kollox.
Min ikollu għalqa mal-baħar irid oħra r-raħal.
Dari l-bidwi kien isibha iktar bi tqila jasal sal-għalqa li tkun fejn il-baħar, u allura kien ikollu oħra aktar viċin ta' daru biex jgħajjex il-familja biha.
Meta l-baħar juri qiegħu l-maltemp jerfa’ driegħu.
Il-maltemp tant ikun qawwi li l-baħar mill-qiegħ iqallbu.
Meta l-ajru jagħmel tiegħu, sal-baħar juri qiegħu.
Il-maltemp tant ikun qawwi li l-baħar mill-qiegħ iqallbu.
Meta jsaffru l-iġfien ikunu fgaw il-widien.
L-iġfna/iġfien (plural ta' ġifen) kienu jsaffru għall-għajnuna fil-maltemp, bl-istess mod li ħaġa bilfors issir kawża ta' xi ħaġa oħra.
L-aħjar ħut jgħum f’qiegħ il-baħar.
Min jagħmel xogħlu sew u bil-għaqal ma jkunx iħobb jidher.
Kull kalanka port.
Xorta għalija, mhix ser tagħmilli differenza. Kalanka tirreferi għal daħla dejqa fuq il-baħar.
Kull baħar jipplaka.
Kull ħaġa ħażina xi darba tasal fi tmiemha. Jipplaka tfisser jikkalma.
Kif tibda l-ħdura, in-nies tibda ssebbaħ il-bħura.
Malli toqrob ir-rebbiegħa, in-nies jitħajru iżjed jersqu lejn il-baħar. Bħura plural ta' baħar, b'referenza għax-xtut.
Jekk ma taqsamx il-bħajjar ma tkunx tista’ tnajjar.
Kien jeħtieġ li l-baħrin imorru jaħdmu fuq il-baħar 'il bogħod minn familthom biex jaqilgħu x'jieklu. Bħajjar huma oċeani u tnajjar tfisser tkampa.
Ix-xemx bdiet kiefra u l-gavott ma jdoqqx iżjed fifra.
Proverbju storiku li juri li meta kien ikun ġej il-maltemp, l-ikreh baħri ta' fuq il-vapur (= il-gavott) kien jinżel idoqq il-fifra biex iwissi lil kulħadd. Meta ma kienx jinżel, kien ifisser li l-maltemp għadda.
Ir-raba’ tax-xtut bħal-leħja tal-utut.
L-għelieqi ta' ħdejn il-baħar ftit li xejn ikunu għammiela. Utut tfisser bdabad.
Inkella r-roqba, inkella l-ħobża.
Fil-passat ċerti xogħlijiet kienu riskjużi, bħal pereżempju xogħol il-baħħara, imma xorta kellu jsir biex taqla' x'tiekol u tgħajjex lill-familja. Ir-roqba tfisser l-għonq.
Imxi sewwa u ħalli l-baħar iħabbat.
Meta tagħmel it-tajjeb, jiġri x'jiġri jkollok il-kuxjenza nadifa.
Il-baħar żaqqu ratba u rasu stanga.
M'għandek qatt tieħu sogru mal-baħar għax titqarraq.
Il-baħar żaqqu ratba u rasu ħatba.
M'għandek qatt tieħu sogru mal-baħar għax titqarraq.
Il-baħar żaqqu ratba u rasu iebsa.
M'għandek qatt tieħu sogru mal-baħar għax titqarraq.
Il-baħar tqassmu jsir għadajjar.
Meta xi ħaġa taqsamha f'ħafna biċċiet żgħar tispiċċa ma tgawdi xejn minnha.
Il-baħar ta’ Mejju jgħarrqek u jħallik.
F'Mejju daqqa jkun il-maltemp u daqqa jikkalma.
Il-baħar sinjur aktar mill-art.
Il-baħar joffri aktar rikkezzi mill-art.
Il-baħar ftit ftit jiekol ix-xatt.
Il-progress isir naqra naqra.
Il-baħar fis-sajf xiħ u fix-xitwa ġuvni.
Il-maltempi fuq il-baħar fis-sajf ikunu ħafna inqas ħorox milli fix-xitwa.
Il-baħar duqu qabel ma titla’ fuqu.
Ara li l-ħajja fuq il-baħar tgħodd għalik qabel ma tiddeċiedi.
Id-dinja bla tarf u l-baħar bla tmiem.
Id-dinja kbira ħafna u l-oċeani huma vasti.
Għum fejn jilħaqlek.
Tiddeffisx għal biċċa xogħol jekk taf li m'intix kapaċi għaliha.
Fil-klomi xi ħaġa stenna.
Meta kollox ikun kwiet iżżejjed, ħejji ruħek għax ikun ġej il-maltemp. Il-klomi hija l-kalma perfetta tal-baħar.
Fil-baħar bnazzi kulħadd baħri / kaptan.
Meta jinqala' l-inkwiet tinduna min verament huwa kapaċi jsolvi l-problemi.
Faħħar il-baħar u ibqa’ fuq l-art.
Tagħżilx li tmur fuq il-baħar għax huwa xogħol perikoluż.
Dar ħdejn il-baħar trid għaxra r-raħal.
Dar ħdejn il-baħar fiha iżda preġju minn dar li ma tkunx.
Bejn il-kliem u l-fatti hemm il-baħar jikkumbatti.
Dak li tagħmel jgħodd, mhux dak li tgħid.
Anqas l-ilma baħar mhu xorta.
Id-differenza kullimkien qiegħda.
Baħar imfaħħal ma jkissirx, jimborġa.
Il-baħar immewweġ jaf iżid, iżda ma jkissirx l-opri tal-baħar.
Baħar fieragħ għar-riħ isfel, baħar mimli għar-riħ fuq.
Il-baħar mimli jġib ir-riħ fuq, u l-baħar fieragħ iġib ir-riħ isfel.
Baħar riħa ta’ dulliegħ il-maltemp stenna fih.
Il-baħar ikun imqalleb meta jkollu riħa ta' dulliegħ.
Il-qwiel kollha, f’post wieħed.