Tgħajjarx lil ħaddieħor bid-difetti tiegħu, għax inti wkoll għandek id-difetti tiegħek.
Kategorija: il-ġirien
Jekk ma taqbilx mal-ġar, biddel fis id-dar.
Ġieli tant ikollok ġirien diffiċli li ma jkollokx għażla oħra ħlief li titlaq mit-triq.
Il-ħaġa tiegħi titkellem u minn tal-ġara mank tissellem.
Meta titlob l-għajnuna lill-ġirien ma tasalx, iżda meta jkollhom bżonn l-għajnuna huma jistennewha mingħandek.
Il-ġirien tagħżel il-ġirien.
Inti tagħżel liema ġirien tkellem, jaf ikun hemm uħud li ma taħmilx.
Il-ġara tgħallmek tgħix.
In-nies ta’ madwarek jgħallmuk kif tħares l-interessi tiegħek.
Il-ġara tgħallmek tgħammar.
In-nies ta’ madwarek jgħallmuk kif tħares l-interessi tiegħek.
Ġirienek f’darek, ġurdien f’għamarek.
Tagħtix kunfidenzi żejda lill-ġirien u ħu ħsieb il-privatezza ta’ darek.
Ġar mill-agħar fil-qrib tiegħek huwa saħta mkaħħla miegħek.
Ġar li ma jkunx minn tagħna jagħmillek ħajtek wisq diffiċli.
Bieb ma’ ġenbek aħjar minn waħdek.
F’każ li jinqala’ xi ħaġa, taf li għandek il-ġirien ħdejk.
Aħjar tiġġieled m’ommok milli mal-ġar.
Ma’ tal-familja l-affarijiet jitranġaw malajr, mal-ġirien mhux daqshekk, anzi jkollok tibqa’ sseffaq wiċċek magħhom.
Aħjar għajrek minn dellek.
Meta tiġi bżonn, il-ġirien ġieli ssibhom iżjed minn ommok.
Aħjar ġara fil-qrib minn ommok bgħid.
Meta tiġi bżonn, il-ġirien ġieli ssibhom iżjed minn ommok.
Aħjar kisra sewda d-dar milli għasel għand il-ġar.
Tajjeb li tkun kuntent b’li għandek minflok tiddependi fuq ħaddieħor jew tixtieq tiegħu.
Aħjar ħobż xott f’darek milli frisk għand ġarek.
Tajjeb li tkun kuntent b’li għandek minflok tiddependi fuq ħaddieħor jew tixtieq tiegħu.
Ħobb lil ġarek iżda ddaħħlux f’darek.
M’hemmx kunfidenzi żejda mal-ġirien.