Meta xi ħadd tal-flus jew b'awtorità jagħmel xi żball jippruvaw jgħattulu, iżda meta xi ħadd mhux ta' ħafna flus u bla awtorità jagħmel l-istess imorru jxandruh. Is-suġġetta kienet siġġu sabiħ u mżejjen li kien jintuża biex iġorr lin-nies importanti (bħall-isqof,...
kategorija
il-poter
Sorm li qatt ma ra qalziet, kif libsu l-ewwel darba ħara fih.
Min isib ruħu fil-poter għall-ewwel darba jibda jitkessaħ.
Qatt teħodha ma’ min hu aqwa minnek.
Min hu mleħħaq iżjed minnek jew qiegħed fuqek tmurx kontra l-kelma tiegħu, għax tbati jew ma ssibux meta tiġi bżonnu fil-futur.
Qafas miftuħ, għasfur mejjet jew għasfur tar.
Fejn ma jkunx hemm l-awtorità, kulħadd jagħmel li jrid, bħal meta tħalli l-gaġġa tal-għasafar miftuħa.
Naħqa ta’ ħmar qatt ma telgħet is-sema.
Min ikun fil-poter ma jagħtix kas lil min mhux tal-kalibru tiegħu, bl-istess mod li ħadd ma jagħti kas ta' min hu bla influwenza jew injorant.
Min jikkmanda jagħmel il-liġi.
Għandek taċċetta li hemm min għandu iżjed awtorità minnek.
Min jiflaħ iħawwel.
Min għandu iżjed saħħa jew awtorità minnek, ma jaqbillekx ikollok xi tgħid miegħu.
Min jiflaħ aktar minnek erħilu jgħaddi.
Min għandu iżjed saħħa jew awtorità minnek, ma jaqbillekx ikollok xi tgħid miegħu.
Min iżoqq lill-oħrajn iżomm id-dqiq u jagħti n-nuħħala.
Min ikun f'pożizzjoni ta' awtorità dejjem jieħu l-aħjar, u jħalli l-laqx lill-oħrajn.
Min hu kbir, bħal min hu fil-għoli, jara lill-oħrajn taħtu żgħar.
Min ikollu ċerta awtorità jew ikun ta' ċerta importanza ma jistmax liż-żgħir.
Meta taqa’ l-baqra jaqgħu s-skieken.
Meta titlef il-pożizzjoni ta' awtorità li tkun fiha, dawk li mingħalik kienu ħbieb tiegħek jieqfu jirreċtaw.
Meta nikbru ninsew x’konna.
Meta nilħqu jew navvanzaw fil-karriera, ninsew minn fejn konna bdejna, bl-istess mod li meta nixjieħu ninsew li xi darba konna żgħar.
Lill-furnar ħobża islifhielu, għax jekk ma jroddhilekx issib kif teħodhielu.
Tħabbeb ma' min għandu l-flus jew l-awtorità, tmur minn fuq tista'.
Kull qawwi hawn ieħor għalih.
Dejjem hemm xi ħadd aqwa minnek, int min int u għandek setgħa kemm għandek setgħa.
Kulħadd iħobb jikkmanda.
Kulħadd jaħseb li tiegħu tajjeb.
Kulħadd fis-setgħa tiegħu.
Kulħadd għandu limitu sa fejn jista' jasal, skont kemm għandu poter fis-soċjetà.
Imselħa ġdida tħaxwex.
Meta jkun hemm xi ħadd ġdid f'pożizzjoni ta' awtorità, ċerti deċiżjonijiet u ordnijiet ġodda jdarrsu. Imselħa hija xkupa.
Il-qawwa u d-dnewwa jitbqu l-fomm.
L-użu tas-setgħa u l-vjolenza (= dnewwa) jagħlqu ħalq min jazzarda jirvilla.
Il-leħja tas-sinjur f’idejn is-seftur.
Dawk li jaħdmu għal min hu mleħħaq u sinjur igawdu wkoll.
Il-kok ta’ wiċċ il-borma jiekol.
In-nies imlaħħqin japprofittaw mill-pożizzjoni tagħhom, bħall-kok li jiekol l-aħjar parti.
Il-ħuta minn rasha tinten.
F'organizzazzjoni jew ġerarkija, il-problemi jkunu ġejjin mit-tmexxija ħażina tad-diriġenti.
Il-ħuta ż-żgħira qatt ma kielet il-ħuta l-kbira.
Ma tista' tagħmel xejn kontra min għandu iżjed setgħa minnek.
Il-ħuta l-kbira dejjem kielet iż-żgħira.
Ma tista' tagħmel xejn kontra min għandu iżjed setgħa minnek.
Il-ħotra tegħleb il-kotra.
In-nies trid taċċetta lil min intgħażel biex imexxi, bħal f'elezzjoni. Il-ħotra tfisser l-għażla u l-kotra huma n-nies fis-soċjetà.
Dak li ma kienx għad jista’ jkun.
Dak li ma ġarax il-passat jista' jiġri fil-futur.
Il-qwiel kollha, f’post wieħed.