Iż-żmien malajr jgħaddi.
Għalina l-Għid il-Kbir meta missierna jidboħ il-ħanżir.
Biż-żmien kollox jasal. Jidboħ tfisser joqtol.
Iż-żmien jgħaddi u jnessi.
Iż-żmien itaffi l-weġgħat tal-passat.
Iż-żmien itaffi.
Iż-żmien itaffi l-weġgħat tal-passat.
Iż-żmien ma jistenna lil ħadd.
Jeħtieġ li ż-żmien tużah tajjeb, għax ma jerġax jiġi lura.
Il-logħob għat-tfal u l-ħatar għax-xiħ.
Kull fażi tal-ħajja għandha tagħha, meta nkunu tfal narmu s-saħħa nilagħbu u meta nixjieħu mmajnaw. Ħatar huwa bastun.
Iż-żmien għażiż u ma jinxtarax.
Jeħtieġ li ż-żmien tużah tajjeb, għax ma jerġax jiġi lura.
Akbar minnek b’jum, għeref minnek sena.
Min għandu iżjed żmien minnek dejjem ser ikollu iżjed esperjenza tal-ħajja.
Iż-żmien jgħaddi u l-għomor jonqos.
Aktar ma jgħaddi ż-żmien, aktar tiqsar ħajjitna.
Biż-żmien issir iż-żorba.
Biż-żmien nixjieħu u nitilfu saħħitna.
Fid-dinja idħaq għax jiġi żmien meta ma tistax.
Idħaq u fittex li tkun kuntent meta tista' għax il-ħajja qasira.
Fid-dinja kollox jgħaddi.
Iż-żmien itaffi l-uġigħ u jnessihulna.
Iż-żmien li għaddej xi drabi aħjar milli ġej.
Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.
Fl-aħħar mill-aħħar kollox iddur għalih il-kamla.
Iż-żmien kollox jispiċċa jeqred, bħall-kamla.
Tikber u tinsa.
Iż-żmien inessina l-affarijiet koroh li jiġru fil-ħajja.
Iż-żmien isajjar il-bajtar.
L-affarijiet jimmaturaw biż-żmien.
Biż-żmien kollox jissewwa.
L-affarijiet jitranġaw biż-żmien.
Approfitta ruħek miż-żmien.
Taħlix żmien, użah tajjeb.
Bil-qatra l-qatra timtela l-ġarra.
Biż-żmien kollox isir.
Darbtejn insiru tfal.
Meta tixjieħ u titlef saħħtek tispiċċa tiddependi fuq ħaddieħor, bħat-tfal.
Is-snin bħall-aħwa, ma jixxibhux.
M'hemmx sena bħall-oħra, il-ħajja dejjem toffrilna l-ġdid.
Agħar hu minn zokk tal-fiġel li aktar ma jikber aktar jixraf.
Aktar ma jixjieħ, aktar imur għall-agħar.