Fin-negozju l-flus jiġu qabel il-ħbieb.
Min iħallas qabel ħut jinten jiekol.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
Il-kont u l-għadd ma jistħu minn ħadd.
Ikkontja u għodd bi preċiżjoni biex tkun taf l-affarijiet tiegħek u ma jqarrqux bik.
Għall-bejjiegħ biżżejjed għajn waħda, għax-xerrej mitt għajn.
Min ibigħ jaf ikun irid jeħles mill-oġġett akkost ta’ kollox, u għalhekk ix-xerrej għandu joqgħod attent biex ma jitqarraqx.
Fir-roħs ixtri, fil-għoli bigħ.
Fin-negozju, meta tixtri bl-irħis u tbigħ bl-għoli, tmur minn fuq.
L-ispirtu raġel min ibigħu, jgħid is-sakran.
L-alkoħol jagħmel ħsara kbira lil min għandu l-vizzju tiegħu, iżda jqalla' ħafna flus lin-negozjant li jġibu.
La tixtrix ħut fil-baħar.
Tħallasx flus qabel ma tara l-oġġett f'idejk.
Mal-ħbieb m’hemmx negozju.
Il-ħbiberija mhix kumpatibbli man-negozju u l-flus.
L-għajta nofs il-bejgħ.
Li tirreklama s-servizzi jew in-negozju tiegħek ukoll importanti biex tirnexxi.
Bejjiegħ b’għajn waħda, xerrej b’seba’ għajnejn.
Min ibigħ jaf ikun irid jeħles mill-oġġett akkost ta' kollox, u għalhekk ix-xerrej għandu joqgħod attent biex ma jitqarraqx.
Il-ġobon Sqalli ftit qligħ iħalli.
Il-ġobon Sqalli kien jiswa ħafna biex jiġi impurtat, allura ftit li xejn kien iħallilu qligħ lil tal-ħanut. Dak li mhux vallapena, tagħmlux.
Meta tixtri, ixtri għalik u għas-suq.
Meta tbigħ bl-ingrossa, jeħtieġ li tkun raġonevoli biex min jixtri mingħandek ikun jista' jaqla' xi ħaġa tal-flus wkoll.
Il-bejgħ konġunturi u ż-żwieġ bin-namuri.
Fin-negozju hemm element ta' xorti, iżda fiż-żwieġ jew hemm l-imħabba jew m'hemmx.
Kulħadd ifaħħar il-bejgħa tiegħu.
Ħadd ma joqgħod iwaqqa' lilu nnifsu biex jidher agħar minn ħaddieħor.
Meta raġel iżiegħed il-but, ħajtu dejjem f’xifer ix-xtut.
Meta tkun stabene u ġidek dejjem jiżdied (= iżiegħed il-but), dejjem għandek ir-riskju li jisirquk jew jagħmlulek xi tip ta' vendikazzjoni.
Għand min jonqsu l-aħjar ma tistax issiblu aħjar.
Fin-negozju tixtrix mingħand min għandu reputazzjoni ħażina.
Bid-dieħel ħalli l-għanqbut jiddendel u bil-ħiereġ illustra l-post.
Meta tibda tagħmel il-flus tiftaħarx u meta tibda titlifhom ftaħar xi ftit biex ħadd ma jinduna.
Min imaqdar irid jixtri.
Min imaqdar xi ħaġa, sinjal li jkun qed jipprova jwaqqgħalha l-valur bit-tama li jakkwistaha jew jixtriha (għax fil-verità tinteressah imma ma jridx juri).
Aqbad u qabbad.
Tħallas mill-ewwel, għax jaf ma tarahom qatt dawk il-flus.
Mal-ħbieb m’hemmx negozju.
Il-ħbiberija mhix kumpatibbli man-negozju u l-flus.
Min imaqdar irid jixtri.
Min imaqdar xi ħaġa, sinjal li jkun qed jipprova jwaqqgħalha l-valur bit-tama li jakkwistaha jew jixtriha (għax fil-verità tinteressah imma ma jridx juri).
Dak li jkollu x’jikseb ikun ilu jikteb.
Il-flus ma jaqgħux mis-sema, trid tkun ilek tippjana u tikkalkula.