Meta xebba tkun għarusa, tibda taħseb għaliha nfusha.Dari meta xebba titgħarras, kien jeħtieġ taħsbilha għad-dota.
Iż-żwieġ kaxxa magħluqa.Ma tistax tkun taf minn qabel kemm se jirnexxi ż-żwieġ, bħal kaxxa magħluqa li ma tkunx taf x'fiha.
Jekk toħroġ il-vara, ikollok idaħħalha.Fiż-żwieġ kulħadd responsabbli minn dak kollu li tagħmel martu jew żewġu.
Bewsa mingħajr tgħanniqa donnha warda mingħajr fwieħa.Bewsa tkun tfisser iżjed meta tiġi b'tgħanniqa.
Meta x-xebba ma tarax, il-ħuttab ma jirkantax.Dari l-ħuttab kien ilaqqa' l-koppji bil-għan li jiżżewwġu, iżjed kien ikun kollu ta' xejn jekk ix-xebba ma tkunx trid.
Min jiżżewweġ u ma jibdilux, hemm mitt skud fil-bieb tal-Imdina mħejjija għalih biex imur għalihom.Fiż-żwieġ dejjem jasal punt fejn dak li jkun jistaqsi lilu nnifsu għamilx id-deċiżjoni t-tajba.
