L-affarijiet iġġebbidhomx bla bżonn, eħlishom.
Iż-żmien isejjel il-ħajja.
Ħajjitna mislufa, mhix għal dejjem. Isejjel tfisser idejjen.
Iż-żmien għama minn għajnu u trux minn widintu; daqqa hekk u oħra hekk.
Il-bidliet li ż-żmien iġibilna f'ħajjitna mhumiex dejjem faċli.
Iż-żmien l-aqwa galantom.
Biż-żmien tkun taf aħjar x'deċiżjoni għandek tieħu.
Iż-żagħżugħ iġennen u x-xiħ idellel.
Iż-żgħażagħ jiġġennu wara xulxin u jiddrammatizzaw, iżda l-anzjani huma iżjed galbati minħabba t-tiġrib tal-ħajja. Il-verb dellel ifisser li tittratta lil xi ħadd tajjeb ħafna.
Iż-żmien isajjar il-bajtar.
L-affarijiet jimmaturaw biż-żmien.
Jekk il-qaħba tkun xaħxeħija għaliha m’hemmx xjuħija.
Iż-żmien bħal donnu ma jilħaqx lill-prostituti li jieħdu ħsieb tagħhom infushom.
Ibża’ mil-leħja twila.
Huwa aktar faċli li n-nies ta' esperjenza jidħqu bik.
Għaddew is-snin minn fuqek, issa fik jirgħa l-bebbux.
Is-sbuħija ta' meta tkun għadek żagħżugħ(a) mhix eterna, irridu nixjieħu u nikriehu.
Biġġel għax iż-żmien ibiddel.
Jekk tittratta lil ta' madwarek ħażin, għad jiġi żmien fejn huma jittrattawk ħażin. Biġġel tfisser irrispetta.
Biż-żmien issir iż-żorba.
Biż-żmien nixjieħu u nitilfu saħħitna.
Bil-qajla l-qajla ssir il-bqajla.
Biż-żmien kollox isir.
Ħares lejn snieni u eħlisni kmieni.
L-anzjani għandhom jinqdew qabel ħaddieħor, ħabba li saħħithom hija iżjed fraġli.
Iż-żmien jitwal, min filgħodu jbakkar u filgħaxija jwaħħar.
Min iqum filgħodu kmieni u jidħol jorqod tard jirnexxilu jagħmel iżjed affarijiet.
Għalina l-Għid il-Kbir meta missierna jidboħ il-ħanżir.
Biż-żmien kollox jasal. Jidboħ tfisser joqtol.
Maż-żmien kollox jeqdiem.
Xejn ma jibqa' ġdid biż-żmien.
Iż-żmien għama minn għajnu u trux minn widintu; daqqa hekk u oħra hekk.
Il-bidliet li ż-żmien iġibilna f'ħajjitna mhumiex dejjem faċli.
Il-musmar il-ġdid jaqla’ l-qadim.
Biż-żmien, il-ġdid dejjem jieħu post il-qadim.
Iż-żmien itul u l-ħsieb idur.
Ċerti fehmiet u drawwiet jinbidlu maż-żmien.
Il-musmar il-ġdid jaqla’ l-qadim.
Biż-żmien, il-ġdid dejjem jieħu post il-qadim.
Tikber u tinsa.
Iż-żmien inessina l-affarijiet koroh li jiġru fil-ħajja.
Iż-żmien li għaddej xi drabi aħjar milli ġej.
Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.