Ma tistax tieħu l-mertu tax-xogħol li għamlu ta' qablek.
Min jerfa’ qofftu mhux pastaż.
Min jagħmel xogħlu u jieħu ħsieb l-affarijiet tiegħu m'għandux għalfejn iħossu skomdu jew jistħi. Fl-imgħoddi, il-pastaż kien reffiegħ li jdur mat-toroq jiffitta lin-nies biex għal ftit soldi jġorrilhom sad-dar il-qfief u tagħbijiet oħra. Il-pastaż kien bla manjieri, żorr u injorant.
Il-qawwa sa ma tibda.
Qabel tibda biċċa xogħol issibha bi tqila, iżda malli tibda tiġi l-enerġija biex tkompli.
Bastiment b’bosta kaptani jmur travers.
Meta jkun hemm ħafna nies involuti f'biċċa xogħol l-affarijiet ma jimxux sew.
L-ewwel terz għali.
Meta tibda biċċa xogħol, l-ewwel ftit dejjem jinħass diffiċli sakemm tikkarga.
Il-ġifa jsib xortih.
Min ma jrid jagħmel xejn imur aħjar minn min hu bieżel.
Min jgħid kontra s-sengħa ma jsirx mgħallem.
Min imaqdar xogħlu qatt ma jitgħallmu sew.
Min irid il-bajd frisk, ikollu jbati t-tlaqliq tat-tiġieġ.
Biex tgawdi trid taħdem, tistinka u tieħu paċenzja.
Aktar ma ndumu nakkordaw milli ndoqqu.
Qed naħlu iżjed ħin nippreparaw milli naħdmu.
Ħajja ta’ kul u ixrob, orqod u ttieraħ.
Min hu għażżien ma jagħmel xejn ħlief jiekol, jixrob u jorqod. Ittieraħ tfisser imtedd fuq is-sodda.
Għajjur f’iklu, għajjur f’xogħlu.
Biex taqla' x'tiekol trid taħdem u tistinka.
Min jaf inajjar jaf isajjar.
Biex tagħmel biċċa xogħol sew, trid tkun taf l-elementi bażiċi. Inajjar tfisser jieħu ħsieb in-nar.
F’xogħol ta’ ħorrox borrox l-istokk u ż-żebgħa jgħattu kollox.
Ix-xogħol ħażin hemm mezz kif jitranġa.
Bastiment b’bosta kaptani jmur travers.
Meta jkun hemm ħafna nies involuti f'biċċa xogħol l-affarijiet ma jimxux sew.
Id-driegħ għall-ħidma u r-ras għall-misra.
Il-ġisem qiegħed għax-xogħol fiżiku u l-moħħ qiegħed għax-xogħol mentali. Misra tfisser ippjanar.
Ħobż il-fqir gerbubi u trid tiġri biex tilħqu.
Min ma jaqlax biżżejjed flus diffiċli jgħajjex il-familja. Gerbubi tfisser tond.
Min jerfa’ l-qatta qatt ma għandu biex jitgħatta.
Min jagħmel xogħol mhux imħallas tajjeb ma jgħixx komdu.
Il-bokra ssewwi ż-żokra.
Min ibakkar (iqum kmieni) ileħħaq jagħmel ħafna matul il-ġurnata.
L-ewwel terz inbid dejjem qares itiegħem.
Meta tibda biċċa xogħol, l-ewwel ftit dejjem jinħass diffiċli sakemm tikkarga.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Għal tal-aħħar m’hemmx palju.
Ma tistax tieħu l-mertu tax-xogħol li għamlu ta' qablek.
Kisra tal-art ħelwa u tal-baħar morra.
Ix-xogħol ta' fuq il-baħar huwa ferm iżjed diffiċli mix-xogħol fuq l-art. Kisra tirreferi għal kisra ħobż.