Min jibża' m'għandux għaqal.
Meta jaqbel qabbel.
Aħtaf kull okkażjoni tajba li tiġik biex tmur minn fuq.
Kategoriji: is-sens komun
Bin-nies ma tistax tboss.
Ma tistax tagħmel li trid għax in-nies jgħidu bik.
La tgħid qatt minn dan l-ilma ma nixrobx.
Titkaża b'ħadd għax għada tkun int li tagħmel dak li qed titkaża bih illum. Bl-istess mod, tiksirha minn ma' ħadd għax ma tafx min għad tiġi bżonn.
Ir-raġġ tal-idejn ibikki l-għajnejn.
Il-logħob tal-idejn iwassal għall-biki, la jweġġa' xi ħadd.
Agħti fuq il-ħadida meta tkun mikwija.
Toqgħodx tistenna biex tagħmel xi ħaġa, aqbad u agħmilha.
Il-paċenzja ma jbigħux minnha l-ispiżjara.
Il-paċenzja trid tara minn fejn se ġġibha inti, għax mhu ser jagħtihielek ħadd.
Jekk tiġbed wisq tinqata’ l-ħajta.
Tesaġerax u tabbużax għax ikollok tbati l-konsegwenzi.
L-għajn trid sehemha.
Importanti li tattira l-attenzjoni tan-nies fuq xi ħaġa billi tagħmilha attraenti.
Għall-pariri kulħadd raġel.
Kulħadd jaf jagħti parir għax faċli ħafna, kelma tmur fin-nofs.
Fejn għajnejk, oħrajn għajrek.
Dak li trid inti wisq probabbli jridu ħaddieħor ukoll.
La tħallix il-qattus għassa mal-ħut.
Tafdax lil min taf li ma tistax toqgħod fuqu.
Dur, dur, dur madwar in-nassa, fl-aħħar il-ġurdien jidħol fl-ingassa.
Min jersaq wisq viċin tal-periklu xi darba se jweġġa'.
Ma beżax għal tiegħu, aħseb u ara kemm jibża’ għal tal-oħrajn.
Min mhux kapaċi jibża' għall-affarijiet tiegħu, ma jibżax għall-affarijiet tal-oħrajn.
Il-ħobż minn ħalqi nieklu.
M'iniex injorant daqs kemm qed taħsibni, naf x'għandi nagħmel.
Aħjar għasfur f’idejk milli mija fl-ajru.
Aħjar ikollok iċ-ċertezza li xi ħaġa hija tiegħek, milli ma jkollok ebda ċertezza fuq ħafna affarijiet.
La ħablet jeħtiġilha tiled.
Kulma tagħmel għandu l-konsegwenzi tiegħu.
Billi tidħaq jew tinkwieta lanqas tixtri b’ħabba ftieta.
Għandek dejjem tuża s-sens komun fil-ħajja.
Il-fartas ma jislifx xagħar.
Dak li m'għandix ma nistax nagħtihulek.
Mal-ħaġra t-tajn.
Taħlix ħin u eħles dak kollu li tista' teħles f'daqqa.
Aħseb dejjem x’jiġri wara għax ta’ wara ma ġġibux ‘il quddiem.
Żomm f'moħħok il-konsegwenzi ta' azzjonitek qabel tagħmel xi ħaġa.
Dabbar rasek għax idabbruhielek.
Ara l-affarijiet tiegħek għax ħaddieħor tiegħu wkoll jara.