Fl-antik l-għonnella kienet tgħatti t-tqala.
Ir-raġel tiegħek sal-kantuniera.
Mara m’għandha qatt taqla’ għajnejha minn fuq żewġha.
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
Meta bewsa tagħtik mara, imbagħad trid tara xi jkun ġara.
In-nisa manipulattivi u jiġu jinħabbu miegħek għax ikollhom bżonn xi ħaġa.
Raġel ħalliel, mhux tifel sinċier.
Il-mewt tar-raġel, f’ħajjet martu tħalli vojt li l-imħabba u s-sinċerità ta’ wliedha ma jkunux kapaċi jimlew.
Mara bieżla, il-kumdità.
Bis-saħħa tal-mara bieżla li tieħu ħsieb, il-familja tgħix kuntenta.
Il-mara tqila tirbaħ il-għażż u titlef il-ħila.
Hemm bżonn li mara tqila tistrieħ u mhux taħdem.
Il-bint għandha tiskot, toqgħod fir-rokon, tilbes il-għoqod u tiekol il-loqom.
Dari n-nisa kienu ddestinati għax-xogħol tad-dar u għal ħajja li ftit li xejn kienet ta' sodisfazzjon.
Il-mara dellha tqil.
Il-mara tinqabad mal-inqas ħaġa li tagħmel.
Il-mara mżejna minn butha mdejna.
Mara responsabbli ma tberbaqx flus.
In-nisa kollha fisa.
In-nisa jgħidu ħafna u ma tistax tafdahom.
Kliem il-mara isimgħu u agħmel rajk.
Isma’ x’għandha xi tgħid il-mara, imma wara ddeċiedi inti.
Raġel bil-għaqal ma jdurx ma’ kull riħ.
Raġel għandu jkollu prinċipji.
In-nisa xibka tax-xitan.
In-nisa kapaċi jqarrqu bik daqs ix-xitan.
Lil ibnek kif trabbih u ‘l żewġek kif iddarrih.
Il-mara trid iddarri r-raġel mod ieħor min kif kien jagħmel għand ommu, u t-tfal jikbru skont kif trabbihom.
Jekk tagħmel il-qarn, agħmlu tad-deheb.
Jekk se tipprostitwixxi ruħek, aqla' flus kemm tiflaħ.
L-għaqal sabiħ fuq id-debba, aħseb u ara fuq ix-xebba.
Tfajla għandha ġġib ruħha b'mod onest u tkun bil-għaqal biex tevita l-problemi.
Il-mara meta tidħaq trid tqarraq bik, u meta tibki tkun qarrqet bik.
Il-mara tkun lesta tqarraq bir-raġel f’kull ħin.
Il-mara b’sufha mbiegħed, ir-raġel tbiegħed.
Xagħar il-mara dejjem apprezzat mir-raġel. Sufha jfisser xagħarha.
Jekk tagħmel il-qarn, agħmlu tad-deheb.
Jekk se tipprostitwixxi ruħek, aqla' flus kemm tiflaħ.
Għall-ħwietem u għall-imsielet baqgħet bla ma kielet.
Xi nisa jaslu li jagħmlu minn kollox għall-flus. Il-ħwietem huma ċ-ċrieket.
Dik soru msawra u fuq bejt imtajra.
Mara tal-affari tagħha xorta tattira l-attenzjoni bis-sbuħija tagħha.
Mara mill-Imsida, il-gidba f’idha.
In-nisa Misidjani giddibin.