Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
It-tiġieġa li tqaqi hi dik li tbid.
L-affarijiet mhux bil-kliem biss, iżda bil-fatti wkoll.
Liġġem żiemlek għax jarmik, liġġem ilsienek għax jgħallik.
Għandek dejjem toqgħod attent minn dak li tgħid għax jiddispjaċik (= tagħli), bħaż-żiemel li tliġġmu (= tlibbislu lġiem) biex ma jisfrattax u jarmik minn fuq dahru.
L-ilsien fuq id-darsa li tuġa’ jmur.
Kulħadd il-problemi u l-uġigħ tiegħu jara u jsemmi.
Kelma żejda fuq ġieħ issir mitħna tar-riħ.
Ladarba tgħid kelma ma tistax tiblagħha lura.
Il-kliem fieragħ ma jimliex l-imtieraħ.
Dak li tagħmel jgħodd, mhux dak li tgħid. Imtieraħ huwa l-plural ta' mitraħ (= saqqu).
Aħjar id-dliel mill-herra.
Bil-kelma t-tajba tasal iżjed milli bis-suppervja.
In-nies ilsienhom tal-labar.
Ilsien in-nies iniggeż.
Beżqa mibżuqa milgħuqa ma tkun qatt.
Il-kliem li tgħid ma tkunx tista' terġa' lura minnu.
Kelma drabi ġġib il-kliem u tkeċċi s-sliem.
Il-kliem żejjed jaf joħloq l-inkwiet.
Il-kliem fieragħ ma jimliex l-imtieraħ.
Dak li tagħmel jgħodd, mhux dak li tgħid. Imtieraħ huwa l-plural ta' mitraħ (= saqqu).
Aħjar mitt għama minn wieħed zopp.
Aħjar bniedem għami għax ma jistax jara biex jikkummenta.
Il-kliem minn widna jidħol u mill-oħra joħroġ.
Tista' mhux tgħid, għax min ma jridx jagħti kasek mhux ser jisma' minnek.
Għedt kelma u swietli mija, li m’għedt xejn swietli mitejn.
Qis kliemek u tgħidx iżjed minn kemm imissek.
Il-bniedem tikxfu minn għewiedu.
Bniedem tkun taf x'inhu minn azzjonitu, mhux kliemu. Għewiedu tfisser l-għewied tiegħu - għewied huwa l-plural ta' għada, kelma oħra flok drawwa.
Bejżu bejżu titħan modd, ħarra ħarra ma titħanx kejla.
Aħjar tieħu lil dak li jkun bil-kelma t-tajba.
Liġġem żiemlek għax jarmik, liġġem ilsienek għax jgħallik.
Għandek dejjem toqgħod attent minn dak li tgħid għax jiddispjaċik (= tagħli), bħaż-żiemel li tliġġmu (= tlibbislu lġiem) biex ma jisfrattax u jarmik minn fuq dahru.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
Aħjar l-ewwel tisma’ mbagħad tgħid.
Isma' dak li għandu xi jgħid ħaddieħor qabel tgħid tiegħek.
Bil-kliem żejjed tiżbalja tista’.
Aħsibha sew qabel tgħid xi ħaġa.
La tinbagħadx għal ilsienek.
Oqgħod attent xi tgħid għax tispiċċa mibgħud minn kulħadd.
Isma’ ż-żewġ qniepen qabel taqtagħha.
Isma' x'għandhom xi jgħidu ż-żewġ naħat u wara asal għall-konklużjoni tiegħek.