Mingħand in-nies taqlagħha dejjem fuq rasek, tagħmel x'tagħmel.
Ħaġa li ma tixraqx tagħmilhiex u kelma li tisma’ d-dar la ttennihiex.
Ġib ruħek tajjeb u qis kliemek, tikxifx dak li jingħad id-dar.
Argument bla pedament jaqa’ dikment.
Biex argument irieġi jrid ikun sod.
Aħjar karba minn kelma.
Aħjar tieħu paċenzja u tigdem ilsienek.
Il-gendus jintrabat minn qrunu u r-raġel minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Aħjar bid-dliel milli bil-herra.
Bil-kelma t-tajba tasal iżjed milli bis-suppervja.
Bil-kliem żejjed tiżbalja tista’.
Aħsibha sew qabel tgħid xi ħaġa.
Il-kelma t-tajba tmiss il-qalb.
Bil-ġentilezza jirnexxilek tieħu li trid mingħand xi ħadd.
Aħjar l-ewwel tisma’ mbagħad tgħid.
Isma' dak li għandu xi jgħid ħaddieħor qabel tgħid tiegħek.
Bil-kliem u s-sliem tasal kullimkien.
Jekk tkun edukat man-nies tasal fejn trid.
Isma’ bilfors u emmen jekk trid.
Ikollok tisma' bilfors, iżda f'idejk temminx dak li tisma'.
Ilsien herrież isħqu bil-mehrież.
Tweġġa' lil ħadd bi lsienek, u bl-istess mod evita lil min iweġġgħek bi lsienu. Herrież tfisser niggieżi.
Isma’ kliem in-nies u agħmel rajk.
Isma' x'għandu xi jgħid kulħadd u wara asal għall-konklużjoni tiegħek.
Bil-kliem żejjed tiżbalja tista’.
Aħsibha sew qabel tgħid xi ħaġa.
Il-patt jegħleb l-att.
Dak li jitniżżel bil-kitba huwa dejjiemi, mhux bħall-kliem.
Aħjar kelma nieqsa minn kelma żejda.
Aħjar tieħu paċenzja u tigdem ilsienek.
Il-kelma toħroġ mis-sinna u timla dinja.
Il-kliem li tgħid ma tkunx tista' terġa' lura minnu.
Is-sultan ilsir ta’ kelmtu.
In-nies tal-affari tagħhom jagħtuk kelma u jżommuha.
Il-hejm u l-ħlewwa jegħlbu d-dnewwa.
Tikkonvinċi lin-nies iżjed malajr bil-ħlewwa milli bl-aggressività. Hejm tfisser persważjoni u dnewwa tfisser vjolenza.
Aħjar tagħti milli twiegħed.
Dak li tagħmel jgħodd, mhux dak li tgħid.
Anqas ma tgħid, aħjar.
Dak li ma tgħidx ma jistax jintuża kontrik.
Il-bniedem tikxfu minn għewiedu.
Bniedem tkun taf x'inhu minn azzjonitu, mhux kliemu. Għewiedu tfisser l-għewied tiegħu - għewied huwa l-plural ta' għada, kelma oħra flok drawwa.