Bil-kelma t-tajba tasal iżjed milli bis-suppervja.
Ħaġa li ma tixraqx tagħmilhiex u kelma li tisma’ d-dar la ttennihiex.
Ġib ruħek tajjeb u qis kliemek, tikxifx dak li jingħad id-dar.
Bejżu bejżu titħan modd, ħarra ħarra ma titħanx kejla.
Aħjar tieħu lil dak li jkun bil-kelma t-tajba.
Ilsien herrież isħqu bil-mehrież.
Tweġġa' lil ħadd bi lsienek, u bl-istess mod evita lil min iweġġgħek bi lsienu. Herrież tfisser niggieżi.
Aħjar kelma nieqsa minn kelma żejda.
Aħjar tieħu paċenzja u tigdem ilsienek.
Dak li jħobb jixrob l-ilma ma jagħletx fil-kelma.
Min joqgħod attent xi jgħid jagħmel sew, bħal meta xi ħadd ma jitkellimx għax ikollu l-ilma f'ħalqu. "Ma jagħletx" tfisser "ma jiżbaljax", minn għelt (żball).
Il-kliem itir u l-kitba tibqa’.
Il-kitba mhix astratta bħall-kliem, mela oqgħod attent x'tikteb u x'tiffirma f'ismek għax 'il quddiem jaf jiddispjaċik.
F’ħalq magħluq ma jidħolx nemus.
Min ma jgħid xejn jevita l-inkwiet.
In-nies ilsienhom tal-labar.
Ilsien in-nies iniggeż.
Bejn il-kliem u l-fatti hemm il-baħar jikkumbatti.
Dak li tagħmel jgħodd, mhux dak li tgħid.
Isma’ ż-żewġ qniepen qabel taqtagħha.
Isma' x'għandhom xi jgħidu ż-żewġ naħat u wara asal għall-konklużjoni tiegħek.
Ġie waqt aqwa l-baqgħa mil-laqgħa.
Ftehim bil-fomm (= il-baqgħa) għandu jinżamm daqs ftehim bil-miktub.
Il-bniedem temminx diskorsu imma għemilu, għax għemilu huwa żgur.
Dak li tagħmel jgħodd, mhux dak li tgħid.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
Il-kliem la ġġerrih ħalli n-nies ma tgħidx bih.
Tkunx dik il-persuna li taqla' l-qlajjiet fuq in-nies.
Il-bniedem tikxfu minn għewiedu.
Bniedem tkun taf x'inhu minn azzjonitu, mhux kliemu. Għewiedu tfisser l-għewied tiegħu - għewied huwa l-plural ta' għada, kelma oħra flok drawwa.
Bil-kliem u s-sliem tasal kullimkien.
Jekk tkun edukat man-nies tasal fejn trid.
Anqas ma tgħid, aħjar.
Dak li ma tgħidx ma jistax jintuża kontrik.
Ħelu tittiekel, morr tinbeżaq.
Mingħand in-nies taqlagħha dejjem fuq rasek, tagħmel x'tagħmel.
Bejn il-kliem u l-fatti hemm raġel b’xiber mustaċċi.
Dak li tagħmel jgħodd, mhux dak li tgħid.
Isma’ kollox u agħmel li trid.
Isma' x'għandu xi jgħid kulħadd u wara asal għall-konklużjoni tiegħek.
Aktar ibaqbaq inkella jinżel.
Aktar għandu paroli milli fatti.