L-għażżien ma jtajjarx xogħol.
Min jaħdem fl-irqiq irid jiekol.
Min jagħmel xogħol tedjanti jew diffiċli fiżikament jeħtieġ jiekol sew.
Min jaħdem l-iżjed jiekol l-inqas.
L-għażżien jew min ma ħaqqux igawdi minn fuq dahar min jagħmel xogħlu sew.
Kulħadd xogħlu jogħġbu.
Kulħadd jara tiegħu tajjeb u ta' ħaddieħor ħażin, anke fix-xogħol.
Aħjar tishar milli tbakkar.
Dak li għandek tagħmel agħmlu llum, mhux għada.
Bidu bil-għawġ tmiem ħażin.
Meta biċċa xogħol tibda ħażin kollox jibqa' sejjer ħażin.
Bewla bla bassa, kastell bla għassa.
Kull aspett minn biċċa xogħol għandu jsir tajjeb.
Jiekol bir-riħa u jħallas biċ-ċekċik.
Min ix-xogħol ma jagħmlux sew, ma jaqlax flus.
Il-ġifa jsib xortih.
Min ma jrid jagħmel xejn imur aħjar minn min hu bieżel.
Il-kotra tegħleb il-bokra.
Meta nkunu magħqudin inkunu iżjed b’saħħitna u x-xogħol isir iżjed malajr. Bokra ġejja minn bakkar, tqum kmieni.
Xogħol ta’ ħorrox borrox, imma l-istokk u ż-żebgħa jgħattu kollox.
Ix-xogħol ħażin hemm mezz kif jitranġa.
L-għażżien xogħlu għali.
Jekk tħaddem għażżien, tħallsu wisq għall-ftit xogħol li jagħmel.
Ix-xogħol tal-għaġla ma tantx joħroġ tajjeb.
Meta tgħaġġel biex tagħmel biċċa xogħol, ma tagħmilhiex sew.
Tiġieġa ħawtiela bajjada.
Tiġieġa bieżla tagħmel bajd sabiħ, bħal min jistinka biex jagħti prodott sabiħ. Ħawtiela tfisser ħabrieka u bajjada tfisser li tbid.
Min jibża’ għal dahru, m’għandux xi jridu l-luħ.
L-għażżien għalxejn tafdah b'xi biċċa xogħol għax ma jagħmilhiex. Luħ huwa pala tal-injam.
Ix-xogħol salmura tal-ġisem.
Ix-xogħol fiżiku jsaħħaħ il-ġisem u jipprevjeni l-mard, bħas-salmura li tippreżerva l-ikel.
Inkella r-roqba, inkella l-ħobża.
Fil-passat ċerti xogħlijiet kienu riskjużi, bħal pereżempju xogħol il-baħħara, imma xorta kellu jsir biex taqla' x'tiekol u tgħajjex lill-familja. Ir-roqba tfisser l-għonq.
Jekk jgħaddas rasu l-imgħallem, jerfa’ rasu l-lavrant.
Jekk l-imgħallem ma jagħtix kas, ma jkunx hemm dixxiplina fuq ix-xogħol.
Min iħabrek jaqlagħha.
Min jaħdem u jistinka jitħallas tajjeb ta' xogħlu.
B’idek il-waħda agħġen u bl-oħra keċċi l-qattusa.
Meta tkun għaddej b'biċċa xogħol, ara li ma jkunx hemm min iħarbatlek kollox.
It-tbakkir jagħti s-saħħa.
Tħoss li jkollok iżjed enerġija meta tbakkar (tqum kmieni) għax-xogħol.
F’xogħol ta’ ħorrox borrox l-istokk u ż-żebgħa jgħattu kollox.
Ix-xogħol ħażin hemm mezz kif jitranġa.