L-għodod tax-xogħol jinqerdu bl-użu, iżda l-vizzji jeqirdu l-bniedem. Fies huwa tip ta' għodda li taqta' l-ġebel.
Għarbiel irqiq trid għalih il-ħobż u d-dqiq.
Għax-xogħol li jirrikjedi ħafna ħin u logħob hemm bżonn tieħu paċenzja u tieħu ħsieb saħħtek.
Dejjem tikber is-silla, iżda l-ħmar mhux dejjem jirgħa minnha.
Tagħmel ix-xogħol inti u ġieli tispiċċa ma tgawdi xejn minnu.
Ċallas ballas kif taħdem titħallas.
Ix-xogħol li jsir ħażin ma ħaqqux jitħallas.
Is-siġra ma tagħmilx in-nwar jekk ma ssaqqihiex.
Trid taħdem qatigħ u tieħu interess biex ix-xogħol jirnexxi.
Bastiment b’bosta kaptani jmur travers.
Meta jkun hemm ħafna nies involuti f'biċċa xogħol l-affarijiet ma jimxux sew.
Għajjur f’iklu, għajjur f’xogħlu.
Biex taqla' x'tiekol trid taħdem u tistinka.
Ix-xogħol u s-sabar sa ġewwa l-qabar.
Trid taħdem u tieħu paċenzja sa ma tmut.
Is-sawt u ż-żmien ibiżżlu l-għażżien.
Min hu għażżien jeħtieġ li tiddixxplinah fuq medda ta' żmien twil biex jitgħallem imidd idejh.
Ħobż il-fqir gerbubi u trid tiġri biex tilħqu.
Min ma jaqlax biżżejjed flus diffiċli jgħajjex il-familja. Gerbubi tfisser tond.
Aħjar tirfes l-irfis ta’ newlek milli għadbiet il-muliel.
Dejjem aħjar taħdem għal rasek milli jkollok taħdem għan-nies.
B’idek il-waħda agħġen u bl-oħra keċċi l-qattusa.
Meta tkun għaddej b'biċċa xogħol, ara li ma jkunx hemm min iħarbatlek kollox.
Aktar ma ndumu nakkordaw milli ndoqqu.
Qed naħlu iżjed ħin nippreparaw milli naħdmu.
Tiġieġa li tfelles tajjeb għożżha.
Ibża' għat-tiġieġa li tfaqqas il-bajd, bl-istess mod li għandek tibża' għal min jaħdem u jistinka fin-negozju tiegħek.
Baħri u burdnar qatt ma ssibu kuntent.
Il-baħrin u l-burdnara kellhom xogħol diffiċli ħafna.
Is-siġra ma tagħmilx in-nwar jekk ma ssaqqihiex.
Trid taħdem qatigħ u tieħu interess biex ix-xogħol jirnexxi.
Jekk ma taqsamx il-bħajjar ma tkunx tista’ tnajjar.
Kien jeħtieġ li l-baħrin imorru jaħdmu fuq il-baħar 'il bogħod minn familthom biex jaqilgħu x'jieklu. Bħajjar huma oċeani u tnajjar tfisser tkampa.
Il-bniedem għax-xogħol maħluq.
Mingħajr xogħol il-bniedem bla direzzjoni.
Id-driegħ għall-ħidma u r-ras għall-misra.
Il-ġisem qiegħed għax-xogħol fiżiku u l-moħħ qiegħed għax-xogħol mentali. Misra tfisser ippjanar.
Ix-xogħol u s-sabar sa ġewwa l-qabar.
Trid taħdem u tieħu paċenzja sa ma tmut.
Il-bniedem għax-xogħol maħluq.
Mingħajr xogħol il-bniedem bla direzzjoni.
Bil-prattika biss li wieħed jieħu ħaġa sewwa.
Bil-prattika l-aħjar li titgħallem.