Bit-tajjeb u l-ħażin kollu tagħha, il-ħajja tibqa' għaddejja.
Għam il-baħar kollu u għereq fir-ramla.
Kien sejjer tajjeb, sakemm żgarra fl-aħħar naqra.
Il-ħsieb ħażin iqarraq u jfalli f’ħin.
Toqgħodx taħseb ħażin għax spiss titqarraq.
Il-ftit u tajjeb aħjar mill-wisq u ħażin.
Aħjar tagħmel ftit u tajjeb milli tipprova tagħmel ħafna u ħażin.
Fuħħara li ġġelġel imxiegħra.
Il-ħażin, ħażin jibqa'. Fuħħara hija reċipjent u "imxiegħra" tfisser "imxaqqa".
Id-dinja raddiena, daqqa minn fuq int u daqqa minn fuq jiena.
Mhux dejjem inkunu xortina tajba, iżda mhux dejjem inkunu xortina ħażina.
Id-dnub mistqarr nofsu maħfur.
Meta tammetti li għamilt ħażin dak li jkun ikun lest jaħfirlek iżjed malajr.
Agħmel is-sewwa u ħalli l-baħar iħabbat.
Min jagħmel it-tajjeb jgħix trankwill.
Darba fit-tant tmiss lill-Papa.
It-tajjeb u l-ħażin xi darba lil kulħadd jiġru, anke lin-nies importanti.
Daqqa jmissek l-għadma u oħra l-laħma.
Fil-ħajja daqqa tiġik tajba u daqqa tiġik ħażina.
It-tajjeb jidneb seba’ darbiet.
Kulħadd jiżbalja, anke n-nies twajba.
Agħder għax ma tafx fiex tiġi.
Kun qalbek tajba għax ma tafx min tiġi bżonn.
Agħmel is-sewwa u ħalli l-baħar iħabbat.
Min jagħmel it-tajjeb jgħix trankwill.
B’ħobża tagħmel mitt mil u b’mitt ħobża ma tagħmilx mil.
Meta kollox ikun miexi sew teħles malajr, iżda meta kollox jibda ġej bil-kontra, iddum ħafna iżjed.
Il-fortuna mal-ħmir u s-skaren.
Ix-xorti tidħaq lin-nies injoranti u lis-sakranazzi.
Aktar tmut in-nies bix-xaba’ milli bil-ġuħ.
Iż-żejjed jagħmel ħsara daqs in-nieqes.
Il-brikkun ma jurix fiex inhu.
Min ikun f'sitwazzjoni ħażina ma jmurx jinkixef ma' ħaddieħor.
Imxi sewwa u ħalli l-baħar iħabbat.
Meta tagħmel it-tajjeb, jiġri x'jiġri jkollok il-kuxjenza nadifa.
Ħaxixa ħażina tikber kullimkien.
Il-ħażin kullimkien issibu, tmur fejn tmur.
B’ħabel jitgħallaq bniedem, b’ħabel isalva ieħor.
Dak li jagħmel il-ħsara lil persuna jista' jagħmel il-ġid lil persuna oħra.
Beritta ġġib lil oħra, kappell jgħodd ukoll.
Jekk joffrulek xi ħaġa tajba, ħudha.
Dejjem ħares lejn min hu agħar minnek.
Ikkonsla, żgur hemm xi ħadd li f'ħajtu l-affarijiet sejrin agħar.