Jagħmillek iżjed ġid turi d-dwejjaq milli taħbihom.
F’kollox issib it-tajjeb u l-ħażin.
Kull ħaġa għandha s-sabiħ u l-ikrah tagħha.
B’ħabel jitgħallaq bniedem, b’ħabel isalva ieħor.
Dak li jagħmel il-ħsara lil persuna jista' jagħmel il-ġid lil persuna oħra.
Ħa l-qamħ u ħalla l-ħliefa.
Żamm l-aħjar għalih u ħalla l-laqx lil ħaddieħor.
Fid-dinja ħadd mhu tassew kuntent.
Ma ssibx kuntentizza fid-dinja, kulħadd isib fuq xiex jilmenta.
Dak li jidħol mill-gerżuma ‘l ġewwa kollu sewwa.
Bħalma l-bniedem jiekol biss ikel tajjeb, hekk ukoll jaf jagħżel it-tajjeb mill-ħażin.
Ħudha la ġietek għax jekk tħalliha jibdielek.
Meta tkun xortik tajba, kun kuntent u gawdiha għax ma tafx meta ser terġa' tiġi.
Bagħal magħlub ibelgħen.
Aktar ma l-affarijiet jibdew ġejjin ħażin, aktar ikollok xortik ħażina.
Il-ħażin jitwemmen aktar malajr.
Aktar faċli temmen il-ħażin milli t-tajjeb.
Aħjar torqod fix-xemx taħraq inkella toqgħod fid-dell tal-ħażin.
Għalkemm mhux dejjem faċli, għandek tagħżel li tagħmel it-tajjeb.
Il-ħmar il-magħkus idur għalih id-dubbien.
Aktar kemm tkun f'sitwazzjoni diffiċli, aktar il-ħajja ttik mill-agħar.
Il-fortuna mal-ħmir u s-skaren.
Ix-xorti tidħaq lin-nies injoranti u lis-sakranazzi.
Għan-niżla kull qaddis jgħin.
Meta ma jkunx hemm problemi kollox jimxi sew.
Il-wied dejjem għan-niżla.
Meta ma tibqax tidħaqlek ix-xorti, l-affarijiet imorru mill-ħażin għall-agħar.
Il-bniedem għal dnubu niedem.
Xi affarijiet ħżiena li nġibu fuqna huma kollha tort tagħna.
B’ħabel jitgħallaq bniedem, b’ħabel isalva ieħor.
Dak li jagħmel il-ħsara lil persuna jista' jagħmel il-ġid lil persuna oħra.
Aktar tmut in-nies bix-xaba’ milli bil-ġuħ.
Iż-żejjed jagħmel ħsara daqs in-nieqes.
F’waqtha raqqagħha jekk ma tridx terġa’ taqtagħha.
Jekk saret xi ħsara pprova sewwiha mill-ewwel biex ma tkomplix tikber.
Il-ħmara tbul fuq l-għadira.
L-affarijiet il-ħżiena malajr jiżdiedu u jinfirxu.
Il-ġarra ġejja u sejra fl-aħħar tinkiser.
Meta tagħmel azzjoni ħażina ripetutament, tasal dik id-darba fejn jaqbduk.
Il-brikkun ma jurix fiex inhu.
Min ikun f'sitwazzjoni ħażina ma jmurx jinkixef ma' ħaddieħor.
Illum jien u għada int.
It-tajjeb li mess lili llum imiss lilek għada, u l-istess bil-ħażin.