Dari n-nutar kien imur fid-dar tan-nies, u l-miġja tiegħu kienet tkun tfisser li ser jiġri xi ħaġa kbira, bħal xi wirt, testment, kuntratt, eċċ.
F’kollox issib it-tajjeb u l-ħażin.
Kull ħaġa għandha s-sabiħ u l-ikrah tagħha.
Id-dinja gaġġa tal-imġienen.
Fid-dinja l-loġika mhix ħaġa ovvja.
Għal tal-aħħar is-swat.
Tal-aħħar dejjem jieħu mill-agħar.
Għal kull niżla hawn telgħa.
Għal kull ħaġa ħażina hemm oħra tajba.
Kulħadd jieħu li ħaqqu.
Meta tagħmel xi ħaġa ħażina, trid tkun lest tbati l-konsegwenzi.
L-ilma jsaqqi l-ħatab u l-ħatab jgħalli l-ilma.
Tagħmel il-ġid mal-proxxmu, iżda dan ma jkunx rikonoxxenti.
Għam il-baħar kollu u għereq fir-ramla.
Kien sejjer tajjeb, sakemm żgarra fl-aħħar naqra.
Ċallas ballas min ikisser iħallas.
B'xi mod trid tħallas tal-ħsara li tkun għamilt.
Ħudha la ġietek għax jekk tħalliha jibdielek.
Meta tkun xortik tajba, kun kuntent u gawdiha għax ma tafx meta ser terġa' tiġi.
Fid-dinja kollox frugħa; is-sabiħ filgħodu, filgħaxija tarah kruha.
Fid-dinja trid toqgħod attent għax id-dehra tqarraq bik.
Il-forka għall-iżvinturat.
Minn tant nies li jagħmlu l-ħażin u qatt ma jinqabdu, ix-xorti ħażina tkun messet lil min jingħata l-forka. Id-dinja inġusta.
Fid-dinja ħadd mhu tassew kuntent.
Ma ssibx kuntentizza fid-dinja, kulħadd isib fuq xiex jilmenta.
Il-logħob tal-idejn iweġġa’ l-għajnejn.
Il-logħob tal-idejn m'għandux ikun.
Kulħadd b’xi ħaġa.
Kulħadd għandu t-taqbida tiegħu fil-ħajja, min ħaġa u min oħra.
Ftakar dejjem f’min jagħmillek il-ġid.
Ftakar f'min xtaqlek u għamillek il-ġid, meta jkun fil-bżonn.
Qattusa għaġġelija frieħ għomja tagħmel.
Meta tieħu deċiżjonijiet bl-għaġla ma tkunx ħsibtha sew u tispiċċa tagħmel l-għażla l-ħażina.
Kulħadd b’xi għilla, min bis-sabar u min bil-qilla.
Kulħadd għandu t-taqbida tiegħu fil-ħajja, hemm min jieħu paċenzja u hemm min jirrabja. Għilla tfisser mard.
Jekk titfa’ bomba fit-Tramuntana tiġilek fin-Nofsinhar.
Kollox ġej ħażin.
Min ġera ma laħaqx u min laħaq ma daqux.
Meta jkollok bżonn ħafna ta' xi ħaġa ma ssibhiex, u meta jkollok ħafna minnha ma jkollokx aktar bżonnha.
Għar-raġuni m’hemmx forza.
L-affarijiet għandhom isiru sew mingħajr aspettattivi kbar.
Il-ħmira żejda tħassar l-għaġina.
Iż-żejjed ma jagħmilx ġid.