Mar il-ġid u baqa’ l-ħidma tal-id.Jekk titlef il-flus, dejjem tista’ terġa’ taħdem għalihom sakemm għandek saħħtek.
Il-wiċċ u t-tina ma jsirux bl-ilbies u ż-żina.Il-ġisem jeħtieġ li jkun b'saħħtu permezz ta' ikel tajjeb u sustanzjuż, mhux bl-ilbies u x-xinxilli. It-tina tirreferi għall-warrani.
Jekk il-marda tidħol ’il ġewwa għalxejn tibgħat għat-tabib.Meta timrad, qis li tieħu azzjoni fil-waqt biex tfiq malajr, għax wara jkun tard wisq.
Il-mard irid iż-żmien u d-duwa.Meta timrad għandek tieħu paċenzja u tagħtih ċans jgħaddilek, waqt li tieħu l-mediċini (duwa) li hemm bżonn.
