Ix-xemx tagħtik is-saħħa u tbiegħed il-mard.
Il-mard ikerrah u jbellah.
Il-mard jaffettwana fiżikament u mentalment.
Aħjar is-saħħa mill-flus.
Is-saħħa ma tixtrihiex bil-flus.
Ir-riġel irid is-sodda u l-id trid il-maktur.
Tipi differenti ta' wġigħ jeħtieġu tipi differenti ta' kura. Bl-istess mod, kull sitwazzjoni jeħtieġ li tissolva skont x'inhi.
L-agħar uġigħ tar-ras, tad-dras u tal-ħlas.
L-agħar uġigħ li tista' tħoss huwa tar-ras, tas-snien u tal-ħlas.
Il-bażwi jkun jaf x’riħ hu.
Dari kienu jemmnu li l-morda kienu jħossu r-riħ idur.
Min għandu l-uġigħ ibati bl-irjieħ.
Min ikun marid ikun ibati iżjed bil-burdati (= l-irjieħ).
Il-marid jgħid ajma.
Min hu marid ħallih jesprimi d-diqa tiegħu.
Aħjar f’aptitek inkella b’tabibek.
Meta tkun f’saħħtek tkun f’aptitek.
Il-bassas is-sogħla jonqsu.
Min ikun marid ikun diġà dgħajjef ħafna u bħal xejn jirkadi jew imur għall-agħar.
Il-marid jgħid ajma.
Min hu marid ħallih jesprimi d-diqa tiegħu.
Mhux kull ħożża tostor il-bażwa.
Kull marda għandha l-kura speċifika tagħha, bħalma kull sitwazzjoni għandha s-soluzzjoni speċifika tagħha.
Jekk ikun baqa’ żejt fil-lampa, jerġa’ l-marid.
Min ikun marid ifiq jekk ikun għad fadallu x'jgħix, bħal-lampa li tkompli ddawwal dment li jkun għad hemm iż-żejt fiha.
L-agħar uġigħ tar-ras, tad-dras u tal-ħlas.
L-agħar uġigħ li tista' tħoss huwa tar-ras, tas-snien u tal-ħlas.
Il-maħsus u l-imdejjaq ħajrhom batal.
Min jitlef saħħtu ma jkunx jista' jgawdi l-ħajja. Maħsus tfisser marid.
Il-fellieħ jobgħod is-sellieħ.
Min huwa b'saħħtu (fellieħ = wieħed li jiflaħ) ma jistax għal min huwa dgħajjef u marid (sellieħ = wieħed marid).
Fid-dinja tajjeb tkun f’saħħtek, iżda mitt darba aħjar tkun rasek tilħaqlek.
Is-saħħa importanti iżda iktar importanti li tuża moħħok u tkun makakk.
Lill-marid tgħidlux “Tridx?”; flok issaqsih, aqbad u tih.
Lil min hu marid għinu minn jeddek.
Ir-roqgħa u d-duwa fil-waqt tajbin.
Għandek traqqa' biċċa ħwejjeġ u tieħu l-mediċina fil-pront, għax wara jkun tard wisq.
Il-mard jidħol bl-irtal u joħroġ bl-uqija.
Il-mard jiġi meta ma tkunx qed tistennieh u jdum biex jgħaddi. "Irtal" (pl.ta' ratal) u "uqija" huma kejl tal-użin, fejn uqija hija 1⁄30 ta' ratal.
Fejn tidħol ix-xemx ma jidħolx it-tabib.
Ix-xemx tagħtik is-saħħa u tbiegħed il-mard.
Il-ħsieb jaf jifni u jtemm il-bniedem.
Il-ħafna inkwiet tieħdu minn saħħtek u joqtlok.