Ikkontja u għodd bi preċiżjoni biex tkun taf l-affarijiet tiegħek u ma jqarrqux bik.
Min iħallas qabel xogħol ħażin jieħu.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
Aħjar ħabib fis-suq minn mitt skud fis-senduq.
Fil-bżonn, ħabib li jaqilgħek jiswiek iżjed mill-flus.
Fin-negozju m’hemmx ħbieb.
Fin-negozju l-flus jiġu qabel il-ħbieb.
Għand min jonqsu l-aħjar ma tistax issiblu aħjar.
Fin-negozju tixtrix mingħand min għandu reputazzjoni ħażina.
Min ifottik fin-negozju ipprova fottih.
In-negozjanti huma kompetittivi ħafna u moħħhom biex ikissru lil xulxin.
Għall-bejjiegħ biżżejjed għajn waħda, għax-xerrej mitt għajn.
Min ibigħ jaf ikun irid jeħles mill-oġġett akkost ta’ kollox, u għalhekk ix-xerrej għandu joqgħod attent biex ma jitqarraqx.
Ix-xorb raġel min ibigħu, mhux min jixorbu.
Min ibigħ ix-xorb jaqla' ħafna flus, iżda minn jikkunsmah ibati għax saħħtu tmur lura.
Dak li jkollu x’jikseb ikun ilu jikteb.
Il-flus ma jaqgħux mis-sema, trid tkun ilek tippjana u tikkalkula.
Aqbad u qabbad.
Tħallas mill-ewwel, għax jaf ma tarahom qatt dawk il-flus.
Il-ġobon Sqalli ftit qligħ iħalli.
Il-ġobon Sqalli kien jiswa ħafna biex jiġi impurtat, allura ftit li xejn kien iħallilu qligħ lil tal-ħanut. Dak li mhux vallapena, tagħmlux.
Meta tixtri, ixtri għalik u għas-suq.
Meta tbigħ bl-ingrossa, jeħtieġ li tkun raġonevoli biex min jixtri mingħandek ikun jista' jaqla' xi ħaġa tal-flus wkoll.
Għall-bejjiegħ biżżejjed għajn waħda, għax-xerrej mitt għajn.
Min ibigħ jaf ikun irid jeħles mill-oġġett akkost ta’ kollox, u għalhekk ix-xerrej għandu joqgħod attent biex ma jitqarraqx.
Kulħadd ibegħlek milli għandu.
Ħadd ma jista' jtik milli m'għandux, bl-istess mod li kulħadd iġib ruħu skont il-karattru tiegħu.
L-abjad xommu u erfgħu.
Drapp abjad malajr jitħammeġ, trid tieħu iżjed ħsiebu.
Bla spejjeż ma tagħmilx flejjes.
Trid tonfoq il-flus sabiex iddaħħal aktar flus.
Min iħallas qabel ħut jinten jiekol.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
La tixtrix ħut fil-baħar.
Tħallasx flus qabel ma tara l-oġġett f'idejk.
Meta raġel iżiegħed il-but, ħajtu dejjem f’xifer ix-xtut.
Meta tkun stabene u ġidek dejjem jiżdied (= iżiegħed il-but), dejjem għandek ir-riskju li jisirquk jew jagħmlulek xi tip ta' vendikazzjoni.
Il-ġobon Sqalli ftit qligħ iħalli.
Il-ġobon Sqalli kien jiswa ħafna biex jiġi impurtat, allura ftit li xejn kien iħallilu qligħ lil tal-ħanut. Dak li mhux vallapena, tagħmlux.
L-abjad xommu u erfgħu.
Drapp abjad malajr jitħammeġ, trid tieħu iżjed ħsiebu.
L-għajta nofs il-bejgħ.
Li tirreklama s-servizzi jew in-negozju tiegħek ukoll importanti biex tirnexxi.