Tajjeb li nkunu kuntenti u nidħqu daħqa.
Meta tidher il-qawsalla waqt il-maltemp ta’ filgħodu turi xita; ta’ filgħaxija bnazzi.
Meta tara l-qawsalla filgħodu tkun ix-xita, u meta tara l-qawsalla filgħaxija jkun bnazzi.
Kategoriji: il-meteoroloġija | ix-xita
Baħar fieragħ għar-riħ isfel, baħar mimli għar-riħ fuq.
Il-baħar mimli jġib ir-riħ fuq, u l-baħar fieragħ iġib ir-riħ isfel.
Ir-rebbiegħa hi s-sebħ tas-sena, is-sajf nofsinhar, il-ħarifa l-Għarb u x-Xitwa l-lejl.
Ir-rebbiegħa staġun sabiħ ħafna, għax jagħmel minn kull tip ta' temp.
Ħmura ta’ filgħaxija lesti d-debba għat-tiġrija.
Il-ħmura ta' filgħaxija huwa sinjal li ġej temp sabiħ.
Meta tibda taqa’ l-werqa, ix-xemx taraha bis-serqa.
Ix-xemx tibda tistaħba wara s-sħab meta tibda l-ħarifa.
Jekk tara l-kwiekeb ilebilbu riħ qawwi stenna.
Meta tara l-kwiekeb ilebilbu, għid li ġej riħ qawwi.
Jekk l-ors ibill siequ fil-Gandlora, stenna xita qawwija wara.
Meta f'jum il-Gandlora tagħmel ix-xita, tagħmel xita iżjed qawwija wara. Il-Gandlora tiġi fit-2 ta' Frar.
Baħar imfaħħal ma jkissirx, jimborġa.
Il-baħar immewweġ jaf iżid, iżda ma jkissirx l-opri tal-baħar.
Meta l-gawwi jkun jogħla flimkien, ikun ġej ir-riħ.
Meta l-gawwi jidħol jistkenn l-art, sinjal li ġej riħ qawwi.
Meta tara l-qattus jitmiegħek tinsiex tieħu l-kabozza miegħek.
Meta tara l-qattus jitmiegħek sinjal li tkun ġejja x-xita. Kabozza hija tip ta' kowt.
Jekk ma’ nofsinhar ix-xemx tkun safra bajdanija, aktarx tkun xita għal filgħaxija.
Jekk ix-xemx tkun safra bajdanija għall-ħabta ta' nofsinhar, wisq probabbli tagħmel ix-xita filgħaxija.
Meta jidher il-Kawkaw, riħ Nofsinhar.
Meta fis-sema tkun tista' tara l-Kawkaw (= Alpha Carinae/Canopus, magħmula minn żewġ kewkbiet), ir-riħ ikun ġej min-Nofsinhar.
L-iswed ibeżża’ u l-abjad ixebba’.
Kulħadd jibża' mis-sħab iswed, iżda s-sħab tax-xita huwa l-abjad.
Ix-xita tal-qigħan imwiegħda.
Ġunju huwa x-xahar tad-dris, u dejjem tagħmel ix-xita.
Ix-xemx titla’ u tinżel għal kulħadd.
Kulħadd indaqs fid-dinja, m'aħniex iżjed speċjali minn ħaddieħor.
Fil-baħar bnazzi kulħadd baħri / kaptan.
Meta jinqala' l-inkwiet tinduna min verament huwa kapaċi jsolvi l-problemi.
Id-dinja bla tarf u l-baħar bla tmiem.
Id-dinja kbira ħafna u l-oċeani huma vasti.
Meta qattus tara f’xi gallarija, għid li ħierġa x-xemx.
Il-qtates iħobbuha s-sħana tax-xemx u jmorru fiha meta toħroġ.
Ħmura ta’ filgħodu oħroġ il-bhima mir-robu.
Il-ħmura ta' matul il-ġurnata huwa sinjal li ġej il-maltemp, jiġifieri daħħal il-bhejjem ġewwa u stkenn. Robu tfisser għalqa.
Il-beraq fil-Lbiċ ix-xita jġib.
Meta jberraq fil-Lbiċ tagħmel ix-xita.
Meta x-xemx tinżel fl-ixkora turi l-maltemp.
Meta x-xemx titgħatta bis-sħab (= l-ixkora) stenna l-maltemp.