Mara li tkun id-dar ma tkunx taf x’qed jagħmel ir-raġel meta jkun barra.
Il-mara sewda r-raġel tagħmlu għuda.
In-nisa samranin dejjem iridu wisq mingħand ir-raġel. Sewda tfisser samranija.
Xi wħud mill-qwiel b’rabta man-nisa u l-irġiel jagħtu perspettiva antikwata tar-rwoli tagħhom fis-soċjetà. Dawn għandhom jittieħdu fil-kuntest storiku tagħhom, u mhux bħala riflessjoni tal-valuri moderni.
Qwiel relatati
Meta x-xebba tmur tiġbor il-kappara, żgur bid-dnewwa toħroġ minn darha.
Dari x-xebbiet tal-affari tagħhom ma kinux joħorġu waħedhom mid-dar, u dawk li kienu jagħmlu hekk (bħal pereżempju biex jiġbru l-kappar), kienu jitqiesu bħala sfrattati.
Min jobgħod in-nisa ma jħobbx lil ommu.
Jekk tobgħod lin-nisa, tkun qed tobgħod waħda mill-egħżeż persuni f'ħajtek: ommok.
Ir-raġel qalbu qaqoċċa; jagħti werqa lil kulħadd imma l-qalba jagħtiha lill-mara.
Il-mara dejjem għandha post speċjali f’qalb żewġha.
Dar bla mara ma fihiex x’tara.
Il-mara żżomm id-dar fuq saqajha.
Mara mfettħa, boxxla mbettħa.
Mara għandha tpoġġi bilqiegħda b’saqajha miġburin. Boxxla mbettħa tirreferi għall-bieb tal-antiporta, li jkun miftuħ.