Il-mara dejjem għandha post speċjali f’qalb żewġha.
Aħjar tieħu mara armla milli bint il-qamla.
Aħjar tiżżewweġ mara armla milli bint mara bla prinċipji.
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
Mara tal-għaqal iżżomm id-dar, tiġbor ʼl uliedha u xedda fin-nar.
Bis-saħħa tal-mara bieżla li tieħu ħsieb, il-familja tgħix kuntenta.
In-nisa xibka tax-xitan.
In-nisa kapaċi jqarrqu bik daqs ix-xitan.
Raġel ma jitqiesx bix-xiber.
Il-kumplessità tal-karattru ta’ dak li jkun hija kbira ħafna.
Mara mill-Imsida, il-gidba f’idha.
In-nisa Misidjani giddibin.
Mara bil-għonnella qatt ma taf x’għamlet u x’kellha.
Fl-antik l-għonnella kienet tgħatti t-tqala.
Raġel id-dar, xitan fuq xkaffa.
Raġel li joqgħod id-dar, joqgħod jindaħal lil martu.
Iż-żina żejda turi ftit għaqal.
Mara jew raġel li jiżżejjen wisq jitqies vanituż.
Il-mara tajba żżomm ir-raġel.
Mara tkun tajba skont kemm ikollha ħila żżomm lir-raġel fidil lejha.
Ir-raġel kif iħossu, u l-mara kif turihom.
Tibqa’ żagħżugħ biss jekk iżżomm ruħek u jkollok perspettiva tajba tal-ħajja.
Dik soru msawra u fuq bejt imtajra.
Mara tal-affari tagħha xorta tattira l-attenzjoni bis-sbuħija tagħha.
Meta s-sider ma jinfirixx, il-ħannieqa ma tissensilx.
Il-ġiżirana (= ħannieqa) toqgħod aħjar fuq mara li tkun sidirha mimli.
Is-subien jaħsbu fix-xwieni u l-bniet jaħsbu fil-ġejjieni.
Dari s-subien kienu jfittxu xogħol fuq il-baħar, mentri l-bniet kienu jaħsbu biex ikollhom familja.
Il-frawla saret u x-xebba ħmaret.
Il-ġmiel ta' frawla li tkun saret jitqabbel mal-ġmiel ta' tifla li tkun saret xebba.
Aħjar mart min int milli bint min int.
Aħjar tkun mara miżżewġa milli xebba.
Għaġin u torti u nbid bil-kwarti, u aħjar żaqqi minn żaqq marti.
Ċerti rġiel moħħhom biex jixxalaw u jiddevertu u lil marthom jinsewha.
Mara għajnejha żoroq issaħħar it-toroq.
L-irġiel jiġġennu wara n-nisa b’għajnejhom blu.
Il-mara bħal-lumija, tagħsarha u tarmiha.
Il-mara tużaha kif trid u wara tagħtiha l-ġenb.
Kerha fin-nieqa, sbejħa fit-tieqa.
Meta tifla timmatura u ssir żagħżugħa, kapaċi tisbieħ.
Mara mfettħa, boxxla mbettħa.
Mara għandha tpoġġi bilqiegħda b’saqajha miġburin. Boxxla mbettħa tirreferi għall-bieb tal-antiporta, li jkun miftuħ.
Mara ta’ sultan dejjem tispiċċa fi ħdan.
In-nisa ta’ min hu sinjur dejjem jaqgħu fit-tentazzjoni.