Aħsibha sew qabel tgħid xi ħaġa.
Min jgħid wisq jagħlet.
Min jitkellem ħafna u bl-addoċċ jiżbalja (= jagħlet).
Asaħħ kelmet il-Malti minn ħalfet is-sultan.
Il-Maltin iżommu kelmthom.
Kelma mal-ħbieb xorrox fil-qlieb.
Ladarba tgħid kelma ma tistax tiblagħha lura. Qlieb huwa l-plural ta' qaleb.
Il-kelma faħxija bħal triq waħxija.
Il-kliem ħażin minnu ikrah, u ma jagħmilx ġieħ lil min jgħidu.
Liġġem żiemlek għax jarmik, liġġem ilsienek għax jgħallik.
Għandek dejjem toqgħod attent minn dak li tgħid għax jiddispjaċik (= tagħli), bħaż-żiemel li tliġġmu (= tlibbislu lġiem) biex ma jisfrattax u jarmik minn fuq dahru.
Jekk tgħid tarra u jekk ma tgħidx tiżgarra.
Taqlagħha jekk tgħid, u taqlagħha wkoll jekk ma tgħid xejn.
Il-kliem qabel tgħidu qisu u iżnu.
Aħsibha sew qabel tgħid xi ħaġa.
Il-kliem faħxi f’kull widnejn waħxi.
Il-kliem ħażin minnu ikrah, u ma jagħmilx ġieħ lil min jgħidu.
Isma’ kollox u agħmel li trid.
Isma' x'għandu xi jgħid kulħadd u wara asal għall-konklużjoni tiegħek.
Jekk tgħid tarra u jekk ma tgħidx tiżgarra.
Taqlagħha jekk tgħid, u taqlagħha wkoll jekk ma tgħid xejn.
Mill-kelma t-tajba għall-ħażina m’hemm xejn.
Bil-herra qatt ma tieħu xejn, mela jaqbillek dejjem tieħu lil dak li jkun bil-ħlewwa.
Il-hejm u l-ħlewwa jegħlbu d-dnewwa.
Tikkonvinċi lin-nies iżjed malajr bil-ħlewwa milli bl-aggressività. Hejm tfisser persważjoni u dnewwa tfisser vjolenza.
Kelma f’waqtha tiswa mija.
Jiswa ħafna meta tgħid il-ħaġa t-tajba fil-mument it-tajjeb.
Aħjar tagħti milli twiegħed.
Dak li tagħmel jgħodd, mhux dak li tgħid.
Asaħħ kelmet il-Malti minn ħalfet is-sultan.
Il-Maltin iżommu kelmthom.
Il-miktub magħruf.
Il-kitba mhix astratta bħall-kliem, mela oqgħod attent x’tikteb u x’tiffirma f’ismek għax ‘il quddiem jaf jiddispjaċik.
Isma’ ħafna u agħmel l-aħjar.
Isma' x'għandu xi jgħid kulħadd u wara asal għall-aħjar konklużjoni possibbli.
Bil-kliem biss ma nagħmlu xejn.
Ma jsirx xogħol bil-paroli.
Kliemek tiegħmu sew qabel tlissnu.
Jekk toqgħod attent xi tgħid, ma ddejjaq lil ħadd bi kliemek.
Min għandu ħalqu jgħid li jrid.
Kulħadd jgħid ħafna xorti, allaħares toqgħod tagħti kas.
Beżqa mibżuqa milgħuqa ma tkun qatt.
Il-kliem li tgħid ma tkunx tista' terġa' lura minnu.