Ftehim bil-fomm (= il-baqgħa) għandu jinżamm daqs ftehim bil-miktub.
Liġġem żiemlek għax jarmik, liġġem ilsienek għax jgħallik.
Għandek dejjem toqgħod attent minn dak li tgħid għax jiddispjaċik (= tagħli), bħaż-żiemel li tliġġmu (= tlibbislu lġiem) biex ma jisfrattax u jarmik minn fuq dahru.
Kategoriji: il-kliem | l-annimali
Ħelu tittiekel, morr tinbeżaq.
Mingħand in-nies taqlagħha dejjem fuq rasek, tagħmel x'tagħmel.
Bejn il-kliem u l-fatti hemm il-baħar jikkumbatti.
Dak li tagħmel jgħodd, mhux dak li tgħid.
Il-kelma t-tajba tmiss il-qalb.
Bil-ġentilezza jirnexxilek tieħu li trid mingħand xi ħadd.
Anqas ma tgħid, aħjar.
Dak li ma tgħidx ma jistax jintuża kontrik.
Il-kliem qabel tgħidu qisu u iżnu.
Aħsibha sew qabel tgħid xi ħaġa.
Għedt kelma u swietli mija, li m’għedt xejn aħjar għalija.
Qis kliemek u tgħidx iżjed minn kemm imissek.
L-ewwel isma’, imbagħad tkellem.
Isma' x'għandhom xi jgħidu l-oħrajn u wara asal għall-konklużjoni tiegħek.
Aħjar tiżloq b’riġlejk milli bi lsienek.
Kelma żejda agħar milli tweġġa' fiżikament.
Isma’ bilfors u emmen jekk trid.
Ikollok tisma' bilfors, iżda f'idejk temminx dak li tisma'.
Il-kliem minn widna jidħol u mill-oħra joħroġ.
Tista' mhux tgħid, għax min ma jridx jagħti kasek mhux ser jisma' minnek.
Il-kliem ikarkar u l-eżempju jkaxkar.
Dak li tagħmel jinfluwenza iżjed lil ħaddieħor mill-kliem.
Meta l-kliem jitwal isir serp.
Il-ħafna paroli żejjed iwassal għal ħafna ġlied u mibegħda.
Għedt kelma u swietli mija, li m’għedt xejn aħjar għalija.
Qis kliemek u tgħidx iżjed minn kemm imissek.
Kelma f’waqtha tiswa mija.
Jiswa ħafna meta tgħid il-ħaġa t-tajba fil-mument it-tajjeb.
Il-kelma toħroġ mis-sinna u timla dinja.
Il-kliem li tgħid ma tkunx tista' terġa' lura minnu.
Il-kaħli, jekk tisma’ kliemek, ma tmigħekx ma’ xliefek.
Meta ma tgħid xejn jirnexxilek iżjed tasal fejn trid. Il-kaħli tip ta' ħuta li titgerrex ħafna.
Meta m’intix mistoqsi titkellimx.
Tgħid xejn jekk ħadd ma saqsiek xejn.
Kliem sigriet la għali u lanqas inkwiet.
Jekk għandek sigriet żommu, sabiex tevita l-inkwiet u ma jiddispjaċikx.
Bil-kliem biss ma nagħmlu xejn.
Ma jsirx xogħol bil-paroli.
Il-kliem jintrebaħ bil-għana ta’ kull min ikun bih, bħad-duħħan jintrebaħ mar-riħ.
Hemm ħafna modi u metodi biex tmur fuq xi ħadd li jkun jogħġbok u tibda konverżazzjoni!