Tnejn min-nies kapaċi jżommu sigriet, minn tlieta 'l hemm kulħadd isir jaf.
Il-bniedem tagħrfu minn wegħditu.
Bniedem afdah skont kemm iżomm kelmtu.
Kategoriji: il-karattru | il-kliem
Kieku l-kliem kien ġawhar, is-skiet aħjar minnu.
Is-skiet fih iżjed preġju mill-kliem.
Asaħħ kelmet il-Malti minn ħalfet is-sultan.
Il-Maltin iżommu kelmthom.
Il-gendus jintrabat minn qrunu u r-raġel minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Aħjar tiżloq b’riġlejk milli bi lsienek.
Kelma żejda agħar milli tweġġa' fiżikament.
L-ilsien bla għadam iżda jxoqq l-għadam.
L-ilsien iweġġa' ħafna.
Bil-jekk u bil-jewwilla ma timla ebda bixkilla.
L-affarijiet isiru bil-fatti mhux bil-paroli.
Kliem sigriet la għali u lanqas inkwiet.
Jekk għandek sigriet żommu, sabiex tevita l-inkwiet u ma jiddispjaċikx.
Isma’ ħafna u agħmel l-aħjar.
Isma' x'għandu xi jgħid kulħadd u wara asal għall-aħjar konklużjoni possibbli.
Bil-kliem żejjed tiżbalja tista’.
Aħsibha sew qabel tgħid xi ħaġa.
F’ħalq magħluq ma jidħolx nemus.
Min ma jgħid xejn jevita l-inkwiet.
Il-kliem bħaċ-ċirasa, terfa’ waħda, ittella’ qoffa.
Kelma ġġib oħra, u minn ftit kliem tispiċċa tagħmel diskursata sħiħa.
Il-bniedem jinkixef minn kliemu.
Bil-kliem jinkixfu l-intenzjonijiet ta' dak li jkun.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
Kliem ma tridux jixxerred, tgħidux.
Jekk ma tridx li dak li tgħid jinxtered, tgħid xejn.
B’qatra għasel taqbad iżjed dubbien milli b’mitt barmil ħall.
Bil-kelma t-tajba jirnexxilek iżjed tikkonvinċi lil dak li jkun.
Kelma żejda fuq ġieħ issir mitħna tar-riħ.
Ladarba tgħid kelma ma tistax tiblagħha lura.
Meta l-kliem jitwal isir serp.
Il-ħafna paroli żejjed iwassal għal ħafna ġlied u mibegħda.
La tinbagħadx għal ilsienek.
Oqgħod attent xi tgħid għax tispiċċa mibgħud minn kulħadd.
F’ħalq magħluq ma jidħolx nemus.
Min ma jgħid xejn jevita l-inkwiet.
It-tiġieġa li tqaqi hi dik li tbid.
L-affarijiet mhux bil-kliem biss, iżda bil-fatti wkoll.