Għandek taċċetta li hemm min għandu iżjed awtorità minnek.
kategorija
il-liġi
Min ħabb lil Alla u r-reġina ma batiex.
Min ġab rispett lil Alla u obda l-liġi ma kellux problemi.
Meta tidħol il-qorti, inti tiekol sardina u l-avukat jiekol gallina.
L-avukati jagħmlu kemxa flus ġmielha minn fuq dahrek meta jkollok xi każ il-qorti.
Meta nibet il-ħaxix miet iż-żiemel.
Il-każijiet il-qorti tant idumu jkaxkru li sakemm jinqatgħu, min kellu raġun ikun laħaq miet.
Ma nsilekx biex ma ssilnix.
Ma nagħmilx ftehimiet legali bil-miktub miegħek biex ma jkollix obbligi lejk. Ma nsilekx tfisser ma ndejnekx, u ma ssilnix tfisser ma nkux obbligat.
L-inbid ġdid ikemmex il-ħalq.
Meta jinbidlu r-regoli dejjem ser ikun hemm min jopponi.
Kap ġdid, liġi ġdida.
Meta tinbidel it-tmexxija, ikun hemm il-bidla.
Il-liġijiet għal kulħadd xorta waħda.
Suppost li kulħadd indaqs f'għajnejn il-liġi.
Il-liġi tiġġebbed kemm tridha.
Il-liġi tista' tiġi interpretata b'diversi modi, skont min int u lil min taf.
Il-liġi taqbad il-ħuta ż-żgħira.
Maż-żgħir il-ġustizzja għandha ħafna saħħa, iżda mhux mal-kbir.
Il-liġi saret bħall-banavolja.
In-nies ħżiena jmorru aħjar mal-ġustizzja mill-vittmi. Banavolja tfisser brikkun.
Avukat jekk ma jiħdux Alla jieħdu x-xitan.
Avukat ħażin fl-aħħar mill-aħħar jieħu dak li ħaqqu.
Il-liġi donnha mhix għal kulħadd xorta waħda.
Tistenniex ġustizzja fid-dinja.
Il-qwiel kollha, f’post wieħed.