Aktar ma tiekol, aktar jagħtik aptit li tkompli tiekol, għalhekk importanti l-moderazzjoni.
In-nies ta’ daż-żmien huma nies tal-isem.
Ħadd m'għadu jġib ruħu ta' nies daż-żmien, ma tista' tafda lil ħadd.
Kategoriji: il-karattru | is-soċjetà
Għal kull ħuta hawn il-lixka tagħha.
Toqgħodx taħseb li inti aħjar minn ħaddieħor, għax malajr issib lil xi ħadd eżatt bħalek.
Kulħadd ikollu xi imma.
Kulħadd lejn l-interessi tiegħu jħares.
Il-korla ta’ filgħaxija ħalliha għal filgħodu.
Tiħux deċiżjonijiet mgħaġġla meta tkun irrabjat, stenna sakemm tikkalma.
Ix-xemx minn filgħodu turik x’ġej.
Minn filgħodu tinduna x'tip ta' ġurnata se tkun. Bl-istess mod, it-tfal minn ċkunithom juruk x'karattru għandhom.
Ħanżir dak li jistaħam f’kull għadira.
Min m'għandux prinċipji jieħu vantaġġ minn kull opportunità li jinzerta. Jistaħam tfisser iċaflas jew jgħaffeġ.
Dak li ma qattax bi snienu qattgħu bi lsienu.
Minflok ħadem, qagħad jgħid fuq in-nies minn wara daharhom.
Aqqal sirt minn blis, kulma trid tridu fis.
Hemm min irid kollox fil-pront.
Kulħadd ikollu xi gwaj.
Kulħadd lejn l-interessi tiegħu jħares.
M’għaddiex mill-bieb, daħal mit-tieqa.
Min ikun determinat jagħmel minn kollox biex jasal fejn irid.
Illum ma baqax ħmir.
Daż-żmien in-nies saru jafu minn fejn għandhom jgħaddu biex jiksbu li jridu.
Ħanżir dak li jistaħam f’kull għadira.
Min m'għandux prinċipji jieħu vantaġġ minn kull opportunità li jinzerta. Jistaħam tfisser iċaflas jew jgħaffeġ.
L-imgħajjar jgħajjar.
Jgħajjar lil ħaddieħor bid-difetti tiegħu stess.
Kull wild hu għaġbu.
Kulħadd għandu l-karattru tiegħu, kemm fuq livell individwali kif ukoll fuq livell ta' familja.
L-akbar trux min ma jridx jisma’.
Min ma jridx jisma' jkollu jbati l-konsegwenzi tar-ras iebsa tiegħu.
Min għandu l-għali jbigħu.
Min jgħir ma jkunx jiflaħ jara lil ħaddieħor aħjar minnu; problema tiegħu mhux tiegħek.
Il-kelb il-mutu ibża’ minnu.
Oqgħod attent minn min jidher kwiet, iżda jkollu intenzjonijiet ħżiena.
Il-ħanżir jistaħam f’kull għadira.
Min m’għandux prinċipji jieħu vantaġġ minn kull opportunità li jinzerta. Jistaħam tfisser iċaflas jew jgħaffeġ.
Anġlu man-nies, xitan id-dar.
Quddiem in-nies iġib ruħu sew imma d-dar iġib ruħu ħażin.
Min hu mgħammed bis-snien trid tibża’ minnu.
Diffiċli ħafna wieħed jinbidel għall-aħjar iktar tard fil-ħajja, bħal min jitgħammed kbir.
Dara jerda’ miż-żejża; ħalli naraw meta tmur Trejża.
Bniedem li jiddependi l-ħin kollu fuq ħaddieħor isibha diffiċli xħin ikollu jagħmel xi ħaġa waħdu.