Min jibża' ma jasal imkien għax mhu kapaċi għal xejn.
Ħamiema bla ħjiena s-seqer itemmha.
Min hu wisq twajjeb u jafda żżejjed jispiċċa mmanipulat minn ħaddieħor. Ħjiena tfisser ħażen.
Kategoriji: il-karattru | l-annimali
Qwiel relatati
Hemm min hu tqil biex jgħid kelma u ħafif biex jaqla’ bħalha.
Ġieli jkunu dawk li taħseb huma kwieti li jaqilgħu l-qlajjiet.
Il-qamar bil-pipa f’ħalqu u kulħadd kif Alla ħalqu.
Il-karattru tal-bniedem diffiċli jinbidel, għax hekk maħluq.
In-nies ma tixxibahx u kulħadd fehmtu.
Kulħadd bil-fehmiet u l-gosti tiegħu.
Ġebbed għonqu biex qassar saqajh.
Min hu bla moħħ tistenniex li jagħmel affarijiet intelliġenti.
Min ma jiflaħx ratal ma jiflaħx wiċna.
Min ma jiflaħx għal ftit żgur li mhux kapaċi jiflaħ għal ħafna. Wiċna tirreferi għall-ħsad tal-uċuħ tar-raba'.