Min hu bla moħħ tistenniex li jagħmel affarijiet intelliġenti.
Għalija kull imdawwar qagħaq.
Xorta għalija, mhix ser tagħmilli differenza.
Kategoriji: il-karattru | l-ikel
Jekk int ċawla tippruvax tagħmilha ta’ ajkla.
Tippruvax mingħalik timpressjona u tkun aħjar milli verament int.
L-għira tan-nies iġġib mibegħda bla qies.
L-għira hija sors ta' mibegħda bejn in-nies.
L-ilbies qatt ma għamel nies.
L-ilbies sabiħ ma jgħattix id-difetti u l-karattri ħżiena.
Il-ġahri għalxejn tgħidlu jħares sewwa għax ħażin jibqa’ jħares.
Il-karattru ta' xi ħadd diffiċli ħafna tbiddlu. Ġahri tfisser werċ.
Il-ħarsa ġġib il-kelma u r-ruħ taqa’.
L-attrazzjoni sesswali tibda b'ħarsa, tkompli b'kelma, u fl-aħħar taqa' fit-tentazzjoni.
Jien bin ommi, ta’ żaqqi f’fommi.
Hemm nies li ma jomogħduhiex, li jħossu jgħidu.
Forn li biebu ma jingħalaqx, ħobżu ma jissajjarx.
Min hu ħalqu kbir jaqbad ipatpat mingħajr ma jaħseb fil-konsegwenzi.
Il-paraguni dejjem odjużi.
Toqgħodx tqabbel lilek innifsek ma' ħaddieħor għax tgħix indannat.
Il-ħanżir jistaħam f’kull għadira.
Min m’għandux prinċipji jieħu vantaġġ minn kull opportunità li jinzerta. Jistaħam tfisser iċaflas jew jgħaffeġ.
Il-ħalliel għomru qasir.
Min jisraq ma jdumx ma jinqabad.
Is-swaba’ tal-id mhumiex kollha ndaqs.
Kulħadd għandu karattru u status soċjali differenti.
L-akbar raġel dak li jegħleb demmu.
Min kapaċi jitrażżan għandu karattru sod ħafna u ta' min jammirah.
Min hu tajjeb minn qaddisu jibkih sal-ġebel ta’ pajjiżu.
Bniedem qalbu tajba jkun maħbub ħafna minn kulħadd.
La tħammiġx fejn ixommuh in-nies.
Tikxifx id-difetti tiegħek u l-ħażin li tagħmel.
Mhux kull min jaħsel wiċċu jsir sabiħ.
Bniedem li għandu karattru diffiċli jew ħażin ma jitranġa qatt.
Is-supperv injorant.
Min hu supperv ma jkunx lest jitgħallem, u jibqa' injorant.
Il-qanfud, qanfud ieħor missieru.
Nirtu l-karattru tagħna mill-ġenituri tagħna, m'hemmx mod ieħor.
Illum ma baqax ħmir.
Daż-żmien in-nies saru jafu minn fejn għandhom jgħaddu biex jiksbu li jridu.
Il-forn li jara ħotobtu ma jsajjarx ħobżu.
Tidħaqx bid-difetti ta’ ħaddieħor għax id-difetti tiegħek huma ferm akbar.
Il-lupu jbiddel sufu u mhux għemilu.
Bniedem ħażin jipprova jagħtik x'tifhem li nbidel, iżda fil-fond ta' qalbu ħażin jibqa'.