L-inkwiet evitah, mhux tmur tfittxu.
L-għali ma jħallasx dejn.
L-inkwiet ma jsolvix problemi, eħles minnu.
Meta t-titwib hu għali għali, jew il-ħall ħażin jew il-botra għali.
Superstizzjoni li meta tittewweb b'ħalqek miftuħ, sinjal li tkun ser tiġri xi ħaġa kerha jew ikun ġej xi korriment (= botra) fit-tqala.
L-hemm jiġi bil-ħemel u jmur bl-uqija.
L-inkwiet jitqabbel mal-mard, jiġi meta ma tkunx qed tistennieh u jdum biex jgħaddi. Ħemel tfisser tagħbija kbira. Uqija hija kejl tal-użin (ounce).
Id-dinja kollha kuntrarju.
L-inkwiet parti mill-ħajja.
Jekk jista’ jkun eqred sal-irmied tal-kenur.
Biex tneħħi biċċa inkwiet minn fuq moħħok, ara li ssolvi l-problema mill-qiegħ.
Fejn tidħol il-għajn bil-għawġ sigħajn.
Superstizzjoni: min jgħajjen joħloq l-inkwiet.
Id-dinja hekk imqassma: lil dan is-sliem, lil dak il-ħrieb u lilna l-hemm.
Trid taċċetta li l-inkwiet parti mill-ħajja. Ħrieb tfisser inkwiet u hemm tfisser għawġ.
L-għali bigħu mhix tixtrih.
L-inkwiet żomm 'il bogħod minnu u mhux tistiednu b'idejk.
Il-forsi raġel ħażin.
Id-dubji dejjem sors ta’ inkwiet.
L-għali jkun imsiefer.
Qatt ma tobsor meta l-inkwiet jiġi fuqek.
Biex bniedem ma jkollux inkwiet f’ħajtu hemm bżonn li ma jitwelidx.
L-inkwiet parti mill-ħajja.
Jekk jista’ jkun eqred sal-irmied tal-kenur.
Biex tneħħi biċċa inkwiet minn fuq moħħok, ara li ssolvi l-problema mill-qiegħ.
Ħadd ma jixħet in-nar ġo ħobbu.
Ħadd ma jġib l-inkwiet b'idejh stess.
Fl-aħħar tal-mazzita ssib iż-żbiba.
Wara li kollox ikun mar sew, fl-aħħar naqra jinqala' l-inkwiet.
Id-dinja kollha slaleb.
L-inkwiet parti mill-ħajja.
Għasfur ġerrej fix-xibka jeħel qisu mhu xejn.
L-inkwiet iġġibux b'idejk.
Is-swied il-qalb qatel bosta nies.
L-inkwiet u d-dwejjaq kapaċi jkollhom effett ikrah ħafna fuq il-bniedem, li jista' saħansitra jwassal għall-mewt.
L-għali jiġi waħdu.
Qatt ma tobsor meta l-inkwiet jiġi fuqek.
Kulħadd iħoss tiegħu.
Kulħadd l-inkwiet tiegħu jara, mhux tal-oħrajn.
L-għali jkun imsiefer.
Qatt ma tobsor meta l-inkwiet jiġi fuqek.
Meta t-tiġieġ imorru fuq in-nuħħala jgerfxuha.
Xi nies jaqilgħu l-inkwiet kull fejn imorru.